Hubo 113 - Ndebele Bible (iBhayibhili Elingcwele) 1978

Ukubonga iNkosi ngokuphakamisa abahluphekayo

1Dumisani iNkosi!

Dumisani, lina zinceku zeNkosi,

dumisani ibizo leNkosi.

2Kalibongwe ibizo leNkosi

kusukela kulesisikhathi kuze kube nininini.

3Kusukela ekuphumeni kwelanga kuze kube sekutshoneni kwalo

ibizo leNkosi kalidunyiswe.

4INkosi iphakeme phezu kwezizwe zonke,

lobukhosi bayo phezu kwamazulu.

5Ngubani onjengeNkosi uNkulunkulu wethu ehlezi phezulu,

6kodwa ekhangela phansi ezulwini lasemhlabeni na?

7Iyamvusa ohluphekayo othulini,

imphakamise umyanga esilotheni,

8ukuze ibahlalise lezikhulu,

izikhulu zabantu bayo.

9Inyumba iyayinika umuzi,

iyenze ibe ngunina wabantwana othokozayo.

Dumisani iNkosi!