Hubo 12 - Ndebele Bible (iBhayibhili Elingcwele) 1978

Umkhuleko wokucela ukuvikelwa

1Siza, Nkosi, ngoba kakusekho olungileyo;

ngoba abathembekileyo banyamalele,

kabasekho phakathi kwabantu.

2Yilowo lalowo ukhuluma amanga lomakhelwana wakhe;

bayakhohlisa ngomlomo, bakhuluma nganhliziyombili.

3Kungathi iNkosi ingaquma yonke imilomo ekhohlisayo,

lolimi olukhuluma amazwi okuzincoma,

4labo abathi: Sizakunqoba ngolimi lwethu,

imilomo yethu ngeyethu njalo;

ngubani ongasibusa na?

5Ngenxa yokubandezelwa komyanga langokububula koswelayo,

sengizakuvuka, kutsho iNkosi.

Ngizakubabeka enqabeni abayifisayo.

6Amazwi eNkosi angamazwi ahlambulukileyo,

anjengesiliva esihlanjululwe esithandweni somlilo,

sihlanjululwe kasikhombisa.

7Akusilondoloze, Nkosi,

usivikele kulesisizukulwana kuze kube nininini.

8Ababi bayahahaba inxa zonke,

lapho ububi buphakanyiswa phakathi kwabantu.