1Kukhona ububi esengibubonile ngaphansi kwelanga ukuthi bunzima ebantwini.
2Ngibonile umuntu uNkulunkulu amnike inotho lempahla lodumo ukuze angasweli lutho kukho konke akufisayo, kodwa uNkulunkulu angamniki amandla ukuba azithokozise ngakho, kodwa kudliwe ngowemzini; lokhu kulize, kuyinto ebuhlungu.
3Uba umuntu ezuza abantwana abalikhulu, aphile iminyaka eminengi ukuze insuku zakhe zibe zinengi, kodwa angathokoziswa yizinto ezinhle zokuphila, futhi angabi lakungcwatshwa, ngithi isisu esiphumileyo singcono kulaye.
4Ukuphuma kwakho kulize kuye emnyameni, lebizo lakho licatshe emnyameni;
5futhi kakulibonanga ilanga, kakwazanga lutho; kanti kuyazuza ukuphumula kulaye.
6Uba omunye ehlala iminyaka eyinkulungwane, ayiphinde kabili, angaphumeleli, kabayi ndawonye bobabili na?
7Umuntu usebenzela ukudla ekutshikatshikeni kwakhe konke, kodwa ukukhanuka kwakhe kakwaneliswa.
8Ohlakaniphileyo usedlula ngani isithutha na? Ukwazi ukuziphatha kuhle kumsizani umuntu ongumyanga na?
9Kungcono ukwaneliswa ngokubonayo kulokuhugwa zinkanuko. Lokho lakho kulize lamaya.
10Osekukhona sekuke kwabizwa ngebizo; umuntu uyaziwa ukuba uyini lokuba kalamandla okuphikisana lolamandla kulaye.
11Ngokwanda kwamazwi, lobuze bakho konke buyanda; umuntu uzuzani ngakho na?
12Ngoba ngubani okwaziyo okumfaneleyo umuntu esahlezi insuku eziyingcosana zokuphila kwakhe okulize okudlula njengesithunzi na? Ngubani ongatshela umuntu lokho okuzakuba khona ngemva kwakhe ngaphansi kwelanga na?
Who We AreWhat We EelieveWhat We Do
2025 by iamachristian.org,Inc All rights reserved.
