1USolomoni waqala ukwakha ithempeli eJerusalema entabeni yaseMoriya lapho iNkosi yabonakala khona kuyise uDavida, endaweni uDavida ayikhethayo esizeni sikaOrnani umJebusi.
2Waqalisa ukulakha emnyakeni wesine wokubusa kwakhe ngenyanga yesibili.
3Nanzi izilinganiso zikaSolomoni zokwakhiwa kwendlu kaNkulunkulu; ubude ngezingalo zesilinganiso esidala babuzingalo ezingamatshumi ayisithupha, ububanzi buzingalo ezingamatshumi amabili.
4Umkoto owawungaphambi kwendlu ububanzi bawo babuzingalo ezingamatshumi amabili, ulingana lobubanzi bendlu, ukuphakama kwawo kuzingalo ezingamatshumi amabili. Wawugudulwe ngaphakathi ngegolide elihle.
5Indlu wayakha ngamaphane ngaphakathi, wayigudula ngegolide elihle, wabaza imifanekiso yamalala leyamaketane kiyo.
6Wayicecisa ngokufaka amatshe amahle; igolide alisebenzisayo lavela eParivayimi.
7Wayigudula indlu ngegolide, insika zayo lemigubazi yayo lemiduli yayo leminyango yayo, wabaza amakherubi emidulini.
8Wenza lendawo engcwele kakhulu; ubude bayo babulingana lobubanzi bendlu, buzingalo ezingamatshumi amabili, lobubanzi bayo buzingalo ezingamatshumi amabili; wayibhada ngegolide elihle elingamathalenta angamakhulu ayisithupha.Umsebenzi kaHuramu ethempelini
15Ngaphambi kwendlu wenza insika ezimbili, ubude bazo buzingalo ezingamatshumi amathathu lanhlanu, zileziduku phezulu ezizingalo ezinhlanu ubude.
16Wenza amaketane anjengezigqizo, wawafaka ezidukwini zensika; wenza lamapomegranati alikhulu, wawafaka emaketaneni.
17Wazimisa insika ngaphambi kwethempeli, enye yaba ngakwesokunene, enye yaba ngakwesokhohlo; engakwesokunene wayibiza ngokuthi nguJakini, lengakwesokhohlo wayibiza ngokuthi nguBowasi.
Who We AreWhat We EelieveWhat We Do
2025 by iamachristian.org,Inc All rights reserved.
