Heb 10 - Ndebele Bible (iBhayibhili Elingcwele) 1978

Umhlatshelo kaKristu mkhulu kulemihlatshelo yabaJuda

1Ngoba lokhu umlayo ulesithunzi sezinto ezinhle ezizayo, ungesiwo umfanekiso oqotho wazo uqobo, ungeze waba lamandla ngaleyomihlatshelo enikelwa njalonjalo iminyaka ngeminyaka ukubenza baphelele labo abasondelayo.

2Uba kwakungenjalo, ngabe kayiyekelwanga ukunikelwa na? Ngoba phela abakhonzayo sebehlanjululwe kanye, babengasayikuba lovalo lwezono.

3Kodwa kuleyomihlatshelo kukhona ukukhunjulwa kwezono iminyaka ngeminyaka,

4ngoba kakulakwenzeka ukuba igazi lezinkunzi lelezimbuzi lisuse izono.

5Ngakhoke esefikile uKristu emhlabeni wathi:

Imihlatshelo leminikelo kawuyithandanga,

kodwa ungilungisele umzimba.

6Iminikelo yokutshiswa leminikelo yesono kawuyithokozelanga.

7Ngasengisithi: Khangela, ngizile ukwenza intando kaNkulunkulu njengokulotshiweyo ngami ogwalweni.

8Kuqala wathi: Imihlatshelo, leminikelo, leminikelo yokutshiswa, leyezono, kawuyithandanga kawuyithokozelanga — yona inikelwa ngokomlayo —

9wabuya wathi: Khangela, ngizile ukwenza intando yakho. Ususa okokuqala, ukuze amise okwesibili.

10Ngaleyontando senziwe saba ngcwele ngokunikelwa komzimba kaJesu Kristu kanye kuphela.

11Umpristi yilowo lalowo kambe uyema insuku ngensuku enkonzweni, enikela kanengi ngaleyomihlatshelo engasoze yaba lamandla okususa izono.

17abesisithi:

Lezono zabo lobubi babo kangisayikukukhumbula futhi.

18Lapho okukhona ukuthethelelwa kwalokhu, kakusadingeki umnikelo ngenxa yezono.

Ukuthokoziswa, lokuxwayiswa kwabakholwayo

19Ngakhoke, bazalwane, silesibindi sokungena endaweni engcwele ngegazi likaJesu

20ngendlela entsha lephilayo, asivulele yona edabula iveli, okuyikuthi umzimba wakhe.

21Futhi silaye umpristi omkhulu wendlu kaNkulunkulu;

22ngakhoke asisondele ngenhliziyo eqinisileyo langokuthemba okupheleleyo kokukholwa, zifafaziwe inhliziyo zethu, lungasekho uvalo lokubi, lemizimba yethu igezisiwe ngamanzi acwebileyo.

38olungileyo wami uzakuphila ngokukholwa;

kodwa uba ehlehlela emuva, umphefumulo wami kawulakuthokoza ngaye.

39Kodwa thina kasisibo abahlehlela emuva babhujiswe; singabokukholwa, ukuze kusiliswe imiphefumulo yethu.