Hubo 137 - Ndebele Bible (iBhayibhili Elingcwele) 1978

Ukukhala kwabakoIsrayeli abathunjiweyo

1Ngasemifuleni yaseBabiloni sahlala phansi sakhala,

lapho sikhumbula iZiyone.

2Amachacho ethu sawaphanyeka phakathi kwezihlahla.

3Ngoba lapho abasithumbayo basicela ukuhlabelela,

labahluphi bethu bacela injabulo besithi:

Sihlabeleleni enye yezingoma zaseZiyone.

4Singahlabela kanjani ingoma yeNkosi

elizweni lezizweni na?

5Uba ngikukhohlwa wena, Jerusalema,

kasife isandla sami sokunene;

6lolimi lwami lunamathele olwangeni lwami,

uba ngingakukhumbuli,

uba ngingabeki iJerusalema phambi kwentokozo yami enkulu.

7Khumbula, Nkosi, ukuthi amaEdoma enzani

ngosuku lokuthathwa kweJerusalema,

lokuthi athi: Lidilizeni, lidilizeni,

kuze kube sesisekelweni salo.

8Babiloni, wena mchithi,

ubusisiwe ozakuphindisela kuwe izenzo zakho kithi.

9Ubusisiwe yena ozakubamba abantwana bakho

abasakaze edwaleni.