Hubo 53 - Ndebele Bible (iBhayibhili Elingcwele) 1978

Ubuthutha lobubi babantu

1Isithutha sithi enhliziyweni yaso: KakulaNkulunkulu.

Abantu bonakele, benza imisebenzi emibi;

kakho lamunye owenza okuhle.

2UNkulunkulu uyabakhangela abantu esezulwini,

ukuba abone ukuthi ukhona yini oqondileyo,

ofuna uNkulunkulu.

3Balahlekile bonke,

bonke bonakele;

kakho owenza okuhle,

kakho loyedwa.

4Kabalakwazi yini bonke abenza okubi

abadla abantu bami

njengokuba besidla isinkwa,

bengakhuleki kuNkulunkulu na?

5Nampo betshaywa luvalo olukhulu,

uvalo olungazanga lube khona.

Ngoba uNkulunkulu uzakuchitha amathambo abo abakuhlaselayo;

bazakuchithwa ngoba uNkulunkulu ubalahlile.

6Kungathi ukukhululwa kukaIsrayeli kungavela eZiyone!

Lapho uNkulunkulu esebuyisa inhlanhla kubantu bakhe,

uJakobe uzakuthaba, loIsrayeli athokoze.