uHagayi 2 - Ndebele Bible (iBhayibhili Elingcwele) 1978

Ubuhle bethempeli elitsha

1Ngomnyaka wesibili kaDariyu inkosi, ngosuku lwamatshumi amabili lanye lwenyanga yesikhombisa, ilizwi leNkosi lafika ngoHagayi umprofethi

2lisithi: Tshela uZerubabeli indodana kaSalatiyeli umbusi wakoJuda, loJoshuwa indodana kaJehozadaki umpristi omkhulu, labo bonke abantu abaseleyo,

3uthi: Ngubani osekhona phakathi kwenu owabona lindlu ebuhleni bayo bakuqala na? Kambe injani khathesi na? Kayisize emehlweni enu na?

6Ngoba iNkosi yamabandla ithi: Kuseyisikhatshana nje ngibuye nginyikinye futhi iphezulu lomhlaba, ulwandle lomhlabathi owomileyo;Heb 12:26

7ngizakunyikinya izizwe zonke ukuze inotho yazo ifike lapha, igcwalise indlu le ngobuhle, kutsho iNkosi yamabandla.

8Isiliva singesami legolide ngelami, kutsho iNkosi yamabandla.

9Ubuhle bokucina balindlu buzakuba bukhulu kulobokuqala, kutsho iNkosi yamabandla; lakulindawo ngizanika ukuthula.

Abantu bakhuzwa ngokungathembeki kwabo

10Ngosuku lwamatshumi amabili lane, lwenyanga yesificamunwemunye, emnyakeni wesibili kaDariyu, ilizwi leNkosi lafika kuHagayi umprofethi

11lisithi: INkosi yamabandla ithi: Ake ubabuze abapristi lumbuzo uthi:

12Uba umuntu ethwele inyama engcwele ngengubo yakhe, athinte ngengubo yakhe isinkwa, loba isitshwala, loba iwayini, loba amafutha, loba okunye ukudla, kuzakuba ngcwele na? Abapristi baphendula bathi: Atshi.

13Wasesithi uHagayi: Uba umuntu ongcoliswe yisidumbu ethintana lalezizinto, ziyangcola na? Abapristi bamphendula bathi: Yebo, ziyangcola. Nani 19:11–22

14UHagayi wathi: Kunjaloke kimi ngalababantu langalesisizwe, kutsho iNkosi, langezenzo zonke zabo; iminikelo yabo ingcolile.

15Ake licabange ngokwenzakayo kusukela ngaphambili kuze kube lamhlanje; kungakabekwa ilitshe phezu kwelinye ethempelini leNkosi,

16kwakunjani kini na? Lapho umuntu esiya enqwabeni yezilinganiso ezingamatshumi amabili zamabele, wafumanisa itshumi nje; lalapho esiya emphandeni wewayini ukukha imbiza ezingamatshumi amahlanu, wafumanisa amatshumi amabili nje.

17Ngalitshaya kanye layo yonke imisebenzi yenu ngokutshisa langengumane langesiqhotho; kanti kaliphendukelanga kimi, kutsho iNkosi.

18Ake licabange kuhle kusukela lamuhla, kusukela kulolusuku lwamatshumi amabili lane, enyangeni yesificamunwemunye, kusukela osukwini lokubekwa kwezisekelo zethempeli; cabangani kuhle.

19Inhlanyelo isesesilulwini na? Ivini lomkhiwa lepomegranati leoliva, lokhu kungatheli na? Kusukela lamuhla ngizakulibusisa.

Isithembiso seNkosi kuZerubabeli

20Ilizwi leNkosi lafika ngokwesibili kuHagayi, ngosuku lwamatshumi amabili lane enyangeni,

21lathi: Tshela uZerubabeli umbusi wakoJuda uthi: Sengizakunyikinya iphezulu lomhlaba,

22ngigenqule isihlalo sobukhosi semibuso, ngichithe amandla emibuso yezizwe, ngigenqule inqola zokulwa labakhweli bazo; amabhiza labagadi bawo azakuwa, lowo lalowo awe ngomkhonto womfowabo.

23Ngalolosuku, kutsho iNkosi yamabandla, ngizakukuthatha, wena Zerubabeli, inceku yami, indodana kaSalatiyeli, ngikwenze ube njengendandatho yodumo; ngoba nguwe engikukhethileyo, kutsho iNkosi yamabandla.