Hos 11 - Ndebele Bible (iBhayibhili Elingcwele) 1978

UNkulunkulu uthanda abantu bakhe abaduhileyo

1UIsrayeli esengumntwana ngamthanda,

ngayibiza indodana yami ukuba iphume eGibithe.

2Kwathi ngibabiza, kwaba ng’khona besuka kimi;

baqhubeka ukuhlabela oBali lokutshisela izithombe impepha.

3Kanti kwakuyimi engacathulisa uEfrayimi,

ngabaphatha abantu bami ezingalweni zami,

kodwa kabazanga ukuba ngibelaphile.

4Ngabadonsa ngamagoda omusa langezintambo zothando,

ngenza kibo njengomuntu ophakamisela umntwana emlonyeni ukumanga,

ngakhothama kibo, ngabanika ukudla.

5Bazabuyela eGibithe,

leAsiriya lizakuba yinkosi yabo,

ngoba balile ukubuya kimi.

6Impi izatheleka emizini yabo,

yaphule lemigoqo yamasango ayo,

ibadle ezinqabeni zabo.

7Abantu bami baqonde ukuhlehla kimi,

lanxa bekhuleka kunkulunkulu wabo ophakemeyo,

kodwa kayikubasiza.

8Ngizakukulahla kanjani, Efrayimi?

Ngizakukunikela kanjani, Israyeli?

Ngizakukwenza kanjani ube njengeAdima?

Ngizakukuphatha kanjani njengeZeboyimi na?

Inhliziyo iyala phakathi kwami,

lesihawu sami siyaqubuka.

9Kangiyikwenza njengokuthukuthela kwami okukhulu.

Kangiyikuphinda ngimchithe uEfrayimi;

ngoba mina nginguNkulunkulu, kangisuye umuntu,

ngingoNgcwele ophakathi kwenu,

kangiyikuza ukuchitha.

10Bazayilandela iNkosi ezabhonga njengesilwane;

yebo, izabhonga, lamadodana ayo azavela entshonalanga ngokuphangisa.

11Azavela eGibithe ngokuphangisa njengenyoni,

lanjengamajuba evela elizweni laseAsiriya;

ngizababuyisela emizini yabo, kutsho iNkosi.

12INkosi ithi: UEfrayimi ungizingelezele ngamanga,

loIsrayeli ungiphahlile ngenkohliso;

loJuda uyangihlamuka,

mina othembekileyo loNgcwele.