1Ilizwi leNkosi lafika kuHoseya indodana kaBeyeri ensukwini zaboUziya loJothamu loAhazi loHezekiya, amakhosi akoJuda, lasensukwini zikaJerobowamu indodana kaJowashi inkosi yakoIsrayeli.
2Lapho iNkosi iqalisa ukukhuluma ngoHoseya yathi kuye: Hamba uyethatha umfazi oliwule, uzale abantwana bokuwulwa; ngoba ilizwe leli liyawula kakhulu ngokudela iNkosi.
3UHoseya wasehamba wathatha uGomeri indodakazi kaDibilayimi; wakhulelwa, wamzalela indodana.
4INkosi yathi kuHoseya: Ithe ibizo uthi nguJezereli, ngoba emva kwesikhatshana ngizatshaya indlu kaJehu ngenxa yegazi alichitha eJezereli, ngiwuqede umbuso wakoIsrayeli.2 Kho 10:11
5Ngalolosuku ngizakuqeda amandla okulwa kaIsrayeli esigodini saseJezereli.
6UGomeri wabuya wakhulelwa, wazala indodakazi. INkosi yathi kuHoseya: Ithe ibizo uthi nguLo‐Ruhama, ngoba kangisayikubahawukela abakoIsrayeli ukuba ngibathethelele.
7Kodwa ngizahawukela abakoJuda, ngibakhulule mina Nkosi uNkulunkulu wabo; kangiyikubakhulula ngomtshoko, loba ngomkhonto, loba ngempi, loba ngamabhiza, langabagadi bamabhiza.
8Esekhunyuliwe ebeleni uLo‐Ruhama, wabuya wakhulelwa uGomeri, wazala indodana.
9INkosi yathi kuHoseya: Ithe ibizo uthi nguLo‐Ami, ngoba kalisibo abantu bami, lami kangisuye uNkulunkulu wenu.
10Kanti ubunengi babantu bakoIsrayeli buzakuba ngangetshebetshebe lolwandle elingeke lilinganiswe loba libalwe. Endaweni yokuba kuthiwe kibo: Kalisibo abantu bami; kuzakuthiwa kibo: Lingamadodana kaNkulunkulu ophilayo.Roma 9:26
11AbakoJuda labakoIsrayeli bazabuthana ndawonye, bazikhethele umkhokheli abe munye, bagcwale baze beqe imingcele yelizwe, ngoba luzakuba lukhulu usuku lwaseJezereli.
Who We AreWhat We EelieveWhat We Do
2025 by iamachristian.org,Inc All rights reserved.
