1UElija waseTishibi eGileyadi wathi kuAhabi: Ngifunga iNkosi, uNkulunkulu kaIsrayeli, engiyinceku yayo, ukuthi kakuyikuba khona amazolo lezulu kuliminyaka ngaphandle kwelizwi lami.Jak 5:17
2Ilizwi leNkosi uNkulunkulu lafika kuye lisithi:
3Suka lapha, uqonde ngasempumalanga, ucatshe esifuleni iKerithi esingasempumalanga kweJordani.
4Uzanatha amanzi kuso, ngilayile amawabayi ukukunika ukudla.
5Wenza njengokutsho kweNkosi, wahamba wayahlala esifuleni iKerithi esingasempumalanga kweJordani.
6Amawabayi amlethela izinkwa lenyama ekuseni lantambama, wanatha esifuleni.
7Kwathi ngemva kwesikhathi isifula satsha, ngoba kwakungelazulu elizweni.
UElija lomfelwakazi eZarefathi8Ilizwi leNkosi laselifika kuye lisithi:
9Suka uhambe, uye eZarefathi eliseSidoni, uhlale khona. Ngilayile umfelwakazi othile khona ukuba akunike ukudla.Luka 4:25–26
10Wasesukake esiya eZarefathi. Kwathi lapho efika esangweni lomuzi wafumana khona umfelwakazi othile etheza inkuni; wathi kuye: Ake unginike amanzi ngenkezo ukuba nginathe.
11Kwathi esahamba ukuyawathatha, uElija wamemeza esithi: Ungiphathele isinkwa.
12Yena wathi: Ngifunga iNkosi uNkulunkulu wakho kangiphekanga lutho, ngilemputshana nje esigxingini lamafutha ayingcosana egabheni; khathesi ngitheza lezinkunyana ukuba ngiyepheka ukuba mina lomntanami sidle singakafi.
13UElija wathi kuye: Ungesabi; hamba uyekwenza njengokutsho kwakho, kodwa qala ungenzele iqebelengwana, ulilethe kimi, ubusuziphekela wena lomntanakho.
14Ngoba iNkosi, uNkulunkulu wakoIsrayeli, ithi: Impuphu esesigxingini kayiyikuphela, lamafutha asegabheni kawayikuphela, kuze kufike usuku iNkosi ezanisa ngalo izulu emhlabeni.
15Wasehambake, njengokutsho kukaElija. Badla insuku ezinengi, yena lomntanakhe loElija.
16Impuphu eyayisesigxingini kayiphelanga kanye lamafutha ayesegabheni, njengelizwi leNkosi eyalikhuluma ngoElija.
17Ngemva kwesikhathi umntwana walowowesifazana, umninindlu, wagula; kwambamba kakhulu, kwaze kwasala udokoza.
18Yena wasesithi kuElija: Ungibangisani, wena muntu kaNkulunkulu na? Uzile kimi ukuba izono zami zikhunjulwe lokungibulalela umntanami.
19Yena wasesithi kuye: Nginika umntanakho. Wasemthatha ezandleni zikanina, waya laye endlini ephezulu lapho ayehlala khona, wamlalisa embhedeni wakhe.
20Wasekhuleka eNkosini esithi: Nkosi Nkulunkulu wami, uzamehlisela usizi lalo umfelwakazi engingenise kwakhe ngokumbulalela umntanakhe na?
21Wasephefumulela emntwaneni kathathu, wakhuleka wathi: Nkosi Nkulunkulu wami, akubuyise umphefumulo walumntwana.
22INkosi yalizwa ilizwi likaElija, umphefumulo womntwana wabuya, umntwana waphaphama.
23UElija wamthatha, wehla laye bevela endlini ephezulu, waya kwengaphansi, wamnika unina, wathi: Nangu umntanakho, usephila.
24Owesifazana wathi kuElija: Khathesi ngiyazi ukuba ungumuntu kaNkulunkulu, lokuba ilizwi leNkosi olikhulumayo liliqiniso.
Who We AreWhat We EelieveWhat We Do
2025 by iamachristian.org,Inc All rights reserved.
