Hubo 43 - Ndebele Bible (iBhayibhili Elingcwele) 1978

1Ngahlulela, Nkulunkulu,

umele indaba yami ebantwini abangalunganga;

ungikhulule ebantwini ababi labakhohlakeleyo.

2Ngoba wena unguNkulunkulu engiphephela kuye;

ungilahleleni na?

Ngihambelani ngilila ngenxa yokucindezela kwezitha na?

3Thumela ukukhanya kwakho leqiniso lakho,

kungikhokhele,

kungise entabeni yakho engcwele lasendlini yakho.

4Ng’khona ngizakuya ealtareni likaNkulunkulu,

kuNkulunkulu wenjabulo yami enkulu;

ngizakukudumisa ngechacho,

Nkulunkulu, Nkulunkulu wami.

5Udaneleni mphefumulo wami na?

Ukhathazekelani phakathi kwami na?

Themba kuNkulunkulu, ngoba ngisezakumdumisa futhi,

umsizi wami loNkulunkulu wami.