1Bonke abantu bakoJuda bathatha uUziya owayeleminyaka elitshumi lesithupha, bambeka waba yinkosi esikhundleni sikayise uAmaziya.
2Nguye owakha iElathi, walibuyisa koJuda ngemva kokufa kwenkosi.
3Wayeleminyaka elitshumi lesithupha lapho eqalisa ukubusa; wabusa iminyaka engamatshumi amahlanu lambili eJerusalema. Ibizo likanina lalinguJekoliya waseJerusalema.
4Wenza okulungileyo phambi kweNkosi njengokwenza konke kukayise uAmaziya.
5Wazimisela ukumdinga uNkulunkulu ensukwini zikaZekariya owamfundisa ukumesaba uNkulunkulu; ngesikhathi sonke eyidinga iNkosi, uNkulunkulu wamphumelelisa.
6Waphuma ukuyahlasela amaFilistiya, wadilizela phansi umduli waseGathi lomduli waseJabine lomduli waseAshidodi, wakha imizi elizweni laseAshidodi lakwezinye indawo zamaFilistiya.
7UNkulunkulu wamsiza ukulwa lamaFilistiya, lamaArabiya ayehlala eGuribali, labaseMewuni.
8AmaAmoni athela kuUziya, udumo lwakhe lwanda lwaze lwafinyelela emngceleni waseGibithe, ngoba waba lamandla kakhulu.
9Futhi uUziya wakha imiphotshongo eJerusalema ngaseSangweni leNgonsi langaseSangweni leSigodi langaseNgonsini, yaba yizinqaba.
10Wakha lemiphotshongo enkangala, wemba imithombo eminengi, ngoba wayefuyile kakhulu elezinkomo ezinengi eShefela lasemagcekeni; wayelabalimi lezisebenzi zezivini ezintabeni lasemazweni avundileyo, ngoba wayethanda ukulima.
11Futhi wayelamabutho ayekwazi ukulwa ebuthwe ngezigaba ezazenziwa ngokubala kukaJeyiyeli umabhalane loMahaseya induna ephethwe nguHananiya omunye wezinduna zenkosi.
12Zonke inhloko zezindlu okwavela kuzo amaqhawe alamandla zazizinkulungwane ezimbili lamakhulu ayisithupha.
13Zaziphatha ibutho elilabantu abazinkulungwane ezingamakhulu amathathu lesikhombisa lamakhulu amahlanu elalilamandla amakhulu okulwa lisiza inkosi ezitheni zayo.
14U‐Uziya wayenzela yonke impi izihlangu, lemikhonto, lezingowane zensimbi, lamabhatshi ensimbi, lemitshoko, lamatshe ezavutha.
15EJerusalema wenza imitshina eyaqanjwa ngabantu abahlakaniphileyo, wayibeka phezu kwemiphotshongo lasezingonsini ukuba itshoke imitshoko, iphosa lamatshe amakhulu. Udumo lwakhe lwafinyelela khatshana, ngoba wasizwa ngokumangalisayo waze waqina.
16Kodwa lapho eseqinile wazikhukhumeza, kwamlethela ukuchitheka. Ngoba wona eNkosini uNkulunkulu wakhe ngokungena ethempelini leNkosi ukuba atshise impepha phezu kwealtare lempepha.
17UAzariya umpristi wangena ngemva kwakhe elabapristi beNkosi uNkulunkulu abangamatshumi aficaminwembili amadoda alesibindi;
18bamelana layo inkosi uUziya, bathi kuye: Kakusumsebenzi wakho, wena Uziya, ukutshisela iNkosi impepha, kodwa kungumsebenzi wabapristi amadodana kaAroni abahlukaniselwe ukutshisa impepha. Phuma endaweni engcwele, ngoba usuwenze okubi; lokhu kakuyikukulethela udumo oluvela eNkosini uNkulunkulu.
Who We AreWhat We EelieveWhat We Do
2025 by iamachristian.org,Inc All rights reserved.
