Mat 5 - Ndebele Bible (iBhayibhili Elingcwele) 1978

Intshumayelo yasentabeni

1Kwathi ebona amaxuku wenyukela entabeni; esehlezi phansi abafundi bakhe beza kuye.

2Wasevula umlomo wakhe, wabafundisa wathi:

Ababusisiweyo(Luka 6:20–23)

3Babusisiwe abangabayanga emoyeni, ngoba umbuso wezulu ungowabo.

4Babusisiwe abakhalayo, ngoba bazakududuzwa.

5Babusisiwe abamnene, ngoba bazakudla ilifa lomhlaba.

6Babusisiwe abalambela bomele ukulunga, ngoba bazakusuthiswa.

7Babusisiwe abalesihawu, ngoba bazakuhawukelwa.

8Babusisiwe abalenhliziyo ezihlambulukileyo, ngoba bazakubona uNkulunkulu.

9Babusisiwe abalamulayo, ngoba bazakuthiwa ngabantwana bakaNkulunkulu.

10Babusisiwe abazingelwa ngenxa yokulunga, ngoba umbuso wezulu ungowabo.

11Lina libusisiwe, nxa abantu belithuka ngenxa yami, belizingela, bekhuluma okubi konke ngani, beqamba amanga.

12Thokozani, lithabe kakhulu, ngoba umvuzo wenu mkhulu ezulwini; ngoba ngokunjalo babazingela abaprofethi abalandulelayo.Itshwayi lokukhanya emhlabeni(Mark 9:50; 4:21; Luka 14:34, 35; 8:16; 11:33)

13Lina lilitshwayi emhlabeni; kodwa uba itshwayi seliduma, lizakuvuselelwa ngani na? Kalisasizi lutho, kuphela ukulahlwa ngaphandle, linyathelwe ngabantu.Umlayo omdala lomlayo kaJesu Kristu

17Lingathi ngize ukuchitha umlayo ingabe abaprofethi; angizanga ukuchitha, kodwa ngize ukugcwalisa.

18Ngoba ngiqinisile ngithi kini: Kuze kudlule izulu lomhlaba kakusoze kudlule ibadlana libe linye ingabe lecwatshana libe linye lomlayo, kuze kwenzakale konke.

31Kwathiwa: Ilowo olahla umkakhe kamnike incwadi yesahlukaniso.

33Lizwile futhi kwathiwa kwabasendulo: Ungafungi amanga, kodwa gcwalisa izifungo zakho eNkosini.