1 Lan 7 - Ndebele Bible (iBhayibhili Elingcwele) 1978

Inzalo kaIsakari

1Amadodana kaIsakari ayengoTola loPuwa loJashubi loShimroni, bebane.

2Amadodana kaTola ayengoUzi loRefaya loJeriyeli loJahimayi loIbisamu loShemuweli, beyizinhloko zezindlu, abakoTola, babengamaqhawe alamandla ezizukulwaneni zabo; ensukwini zikaDavida babezinkulungwane ezingamatshumi amabili lambili, lamakhulu ayisithupha.

3Indodana kaUzi yayinguIzrahiya. Amadodana kaIzrahiya ayengoMikayeli loObadiya loJoweli loIshiya, bebahlanu, beyizinhloko bonke.

4Phezu kwalabo kwakukhona amaxuku empi abuthwayo ngosendo lwawo langezindlu zawo, inani labantu liyizinkulungwane ezingamatshumi amathathu lesithupha, ngoba babelabafazi abanengi labantwana abanengi.

5Izihlobo zabo zezindlu zakoIsakari zazingamaqhawe alamandla, ziyizinkulungwane ezingamatshumi aficaminwembili lesikhombisa, zilotshwe ngezizukulwana zazo.

Inzalo kaBenjamini

6Amadodana kaBenjamini ayengoBela loBekeri loJediyayeli, bebathathu.

7Amadodana kaBela ayengoEziboni loUzi loUziyeli loJerimothi loIri, bebahlanu, beyizinhloko zezindlu lamaqhawe alamandla; balotshwa ngezizukulwana zabo, beyizinkulungwane ezingamatshumi amabili lambili, lamatshumi amathathu lane.

8Amadodana kaBekeri ayengoZemira loJowashi loEliyezeri loEliyohenayi loOmri loJeremothi loAbija loAnathathi loAlemethi; bonke laba babengamadodana kaBekeri,

9beyizinhloko zezindlu lamaqhawe alamandla; balotshwa ngezizukulwana zabo, beyizinkulungwane ezingamatshimi amabili, lamakhulu amabili.

10Indodana kaJediyayeli yayinguBilihani. Amadodana kaBilihani ayengoJewushi loBenjamini loEhudi loKenahana loZethani loTarshishi loAhishahari;

11bonke laba babengamadodana kaJediyayeli, beyizinhloko zezindlu lamaqhawe alamandla; babezinkulungwane ezilitshumi lesikhombisa lamakhulu amabili, abangaphuma impi.

12OShupimi loHupimi babengamadodana kaIri, loHushimi eyindodana kaAheri.

Inzalo kaNafitali

13Amadodana kaNafitali ayengoJazeli loGuni loJezeri loSahuma, azalwa kuBiliha.

Inzalo kaManase

14Nansi inzalo kaManase. UAsiriyeli amzala komunye umfazi wakhe ongumAramu; lumfazi wamzalela njalo uMakiri, uyise kaGileyadi.

15UMakiri wathatha umfazi obizo lakhe nguMahaka. Indodana yesibili yayinguZelofehadi; uZelofehadi wayelamadodakazi.

16UMahaka umkaMakiri wazala indodana, wayitha ibizo wathi nguPereshi; ibizo lomfowabo lalinguShereshi, lamadodana akhe ayengoUlamu loRakema.

17Indodana kaUlamu yayinguBedani. Labo babengamadodana kaGileyadi kaMakiri kaManase.

18Udadewabo uHamolekethi wazala oIshodi loAbiyezeri loMahla.

19Amadodana kaShemida ayengoAhiyani loShekema loLikhi loAniyamu.

Inzalo kaEfrayimi

20Inzalo kaEfrayimi yayingoShuthela, lomntanakhe uBeredi lomntanakhe uTahathi, lomntanakhe uEleyada, lomntanakhe uTahathi,

21lomntanakhe uZabadi, lomntanakhe uShuthela; amanye amadodana kaEfrayimi, oEzeri loEleyadi, abulawa ngabaseGathi ababezelwe kulelolizwe, lapho efika ukuzathumba izifuyo zabo.

22UEfrayimi uyise wabalilela insuku ezinengi, abafowabo beza ukumduduza.

23UEfrayimi wangena engutsheni lomkakhe; wathatha isisu, wazala indodana, wayitha ibizo wathi nguBeriya, ngoba indlu yakhe yayehlelwe yibubi.

24Wayelendodakazi ethiwa nguShera, owakha iBeti‐Horoni elingaphansi lelingaphezulu kanye leUzeni‐Shera.

25Wayelendodana ethiwa nguRefa owazala uReshefi, owazala uTela, owazala uTahani,

26owazala uLadani, owazala uAmihudi, owazala uElishama,

27owazala uNuni, owazala uJoshuwa.

28Amazwe awo lemizi yawo kwakuyiBetheli lemizana yalo, ngasempumalanga iNaharani, ngasentshonalanga iGezeri lemizana yalo, leShekema lemizana yalo, leAya lemizana alo.

29Futhi abakoManase babeleBeti‐Sheyani lemizana yalo, leTanaki lemizana yalo, leMegido lemizana yalo, leDori lemizana yalo. Kuyo yonke le bahlala abakoJosefa indodana kaIsrayeli.

Inzalo kaAsheri

30Amadodana kaAsheri ayengoImina loIshiva loIshivi loBeriya; lodadewabo wayenguSera.

31Amadodana kaBeriya ayengoHeberi loMalikiyeli uyise kaBirizayithi.

32UHeberi wazala uJafileti loShomeri loHothamu lodadewabo uShuwa.

33Amadodana kaJafileti ayengoPasaki loBimihali loAshivathi; yiwo lawo amadodana kaJafileti.

34Amadodana kaShomeri umfowabo ayengoRohiga loJehuba loAramu.

35Amadodana kaHathamu umfowabo ayengoZofa loImina loSheleshi loAmali.

36Amadodana kaZofa ayengoSuwa loHarineferi loShuwali loBeri loImra

37loBezeri loHodi loShama loShilisha loIthirani loBera.

38Amadodana kaJetheri ayengoJefune loPisipa loAra.

39Amadodana kaUla ayengoAra loHaniyeli loRiziya.

40Bonke labo babengabakoAsheri, izinhloko zezindlu, abantu abakhethiweyo, bengamaqhawe alamandla. Balotshwa ngezizukulwana zabo ukuba baphume impi; babezinkulungwane ezingamatshumi amabili lesithupha.