1Bazalwane, uba umuntu esehlelwa yisiphambeko, lina abakaMoya mlungiseni onjalo ngomoya wobumnene. Uqaphele lawe ukuba ungalingwa wena.
2Thwalisanani imithwalo yenu, ligcwalise umlayo kaKristu ngokwenza njalo.
3Ngoba uba umuntu ezitshaya ulutho, yena engasilutho, uyazikhohlisa.
4Kodwa kakube yilowo lalowo ahlole owakhe umsebenzi, ng’khonake ezakuba lokuzincoma ngokungokwakhe yedwa, kungabi ngokomunye.
5Ngoba ilowo lalowo uzakuthwala owakhe umthwalo.
6Ofundiswayo ilizwi kahlanganyele lalowo omfundisayo ezintweni zonke ezinhle.
7Lingakhohliswa; uNkulunkulu kahlekwa. Ngoba lokho akuhlanyelayo umuntu, uzakuvuna khona lokho.
8Ohlanyelela inkanuko zakhe uzavuna ukubhubha okuvela kuzo; kodwa ohlanyelela uMoya uzavuna ukuphila okungapheliyo okuvela kuMoya.
9Kasingadinwa yikwenza okuhle, ngoba ngesikhathi esifaneleyo sizakuvuna uba singadinwanga.
10Ngakhoke njengoba silethuba asenze okuhle kibo bonke, ikakhulu kwabendlu yokukholwa.
Isicino11Ake libone amabala amakhulu engililobela ngawo ngesami isandla.
12Bonke abafuna ukubukeka ngemizimba yibo abalicindezela ukuba lisoke, bekwenzela kuphela ukuba bangazingelwa ngenxa yesiphambano sikaKristu.
13Ngoba ngitsho lalabo abasokayo kabawugcini umlayo, kodwa bathanda ukuba lisoke ukuze bazincome ngokusoka kwenu.
14Kodwa kimi kakungabi khona lakanye ukuzincoma, kuphela ngesiphambano seNkosi yethu uJesu Kristu, okubethelwe ngaso umhlaba kimi, lami kuwo umhlaba.
15Ngoba ukusoka lokungasoki kakusilutho, kodwa okukhulu yikudalwa kutsha kuphela.
16Ukuthula lesihawu kakube kibo bonke abahamba ngalindlela, yebo, lakuIsrayeli kaNkulunkulu.
17Kangingabe ngisahlutshwa muntu, ngoba ngilazo emzimbeni wami impawu zikaJesu.
18Umusa weNkosi yethu uJesu Kristu kawube lomoya wenu, bazalwane. Ameni.
Who We AreWhat We EelieveWhat We Do
2025 by iamachristian.org,Inc All rights reserved.
