Hubo 130 - Ndebele Bible (iBhayibhili Elingcwele) 1978

Umkhuleko wokucela ukuthethelelwa lokukhululwa

1Ngiyakhuleka kuwe, Nkosi, ngisenzikini.

2Nkosi, zwana ilizwi lami,

indlebe zakho zilalele ilizwi lokunxusa kwami.

3Uba wena, Nkosi, ubala iziphambeko,

ngubani ongema na?

4Kodwa uyathethelela wena, ukuze wesatshwe.

5Ngiyilindele iNkosi, umphefumulo wami uyilindele,

ngiyathemba elizwini layo;

6umphefumulo wami uyayilindela iNkosi

ukwedlula abalindi belindele ukusa,

yebo, ukwedlula abalindi belindele ukusa.

7Wena, Israyeli, themba eNkosini;

ngoba iNkosi ilothando olungapheliyo

ilamandla okukhulula.

8Izakumkhulula uIsrayeli

kuzo zonke iziphambeko zakhe.