Hubo 129 - Ndebele Bible (iBhayibhili Elingcwele) 1978

Ukukhulekela ukuchithwa kwabazonda iZiyone

1Abantu bangihluphile kakhulu kusukela ebutsheni bami;

katsho njalo uIsrayeli athi:

2Bangihluphile kakhulu kusukela ebutsheni bami,

kanti kabangahlulanga.

3Bangitshaya imivimvinya emhlana wami,

bayenza yaba mide njengemifolo yensimu.

4Kodwa iNkosi ilungile,

iqumile intambo zababi.

5Kabayangeke bonke abazonda iZiyone,

babuyiselwe emuva.

6Kababe njengotshani obusesicholo sendlu,

obubuna bungakakhuli,

7ovunayo angagcwalisi ngabo isandla sakhe,

lalowo obopha izithungo ingalo zakhe.

8Abadlulayo kabatsho ukuthi:

Isibusiso seNkosi kasibe phezu kwenu.

Siyalibusisa ebizweni leNkosi.