Mat 9 - Ndebele Bible (iBhayibhili Elingcwele) 1978

UJesu usilisa umuntu oyisilima(Mark 2:1–12; Luka 5:17–26)

1Wasengena emkolweni, wawela, wafika emzini wakubo.

2Baletha kuye umuntu oyisilima elele ethaleni. UJesu ebona ukukholwa kwabo wathi koyisilima: Mana isibindi, mntanami; izono zakho zithethelelwe.

3Abanye bababhali bakhulumisana bathi: Lumuntu uyahlambaza.

4UJesu esazi imicabango yabo wathi: Linakanelani okubi enhliziyweni zenu na?

5Ngoba yikuphi okulula ukuthi: Izono zakho zithethelelwe; ingabe ukuthi: Sukuma uhambe, na?

6Kodwa ukuze lazi ukuthi iNdodana yomuntu ilamandla okuthethelela izono emhlabeni — wathi koyisilima: Sukuma, uthathe ithala lakho, uye endlini yakho.

7Wasukuma, waya endlini yakhe.

8Kwathi amaxuku ebonile lokhu amangala, amdumisa uNkulunkulu onike abantu amandla anje.

Ukubizwa kukaMathewu(Mark 2:13–17; Luka 5:27–32)

9Esedlula lapho uJesu wabona umuntu othiwa nguMathewu ehlezi endaweni yokuthelisela; wathi kuye: Ngilandela. Wasukuma, wamlandela.

10Kwathi esekudleni endlini, kwafika abathelisi abanengi lezoni, bahlala ekudleni loJesu labafundi bakhe.Ukuzila ukudla(Mark 2:18–22; Luka 5:33–39)

14Kwafika kuye abafundi bakaJohane, bathi: Kungani ukuba thina labaFarisi sizile ukudla, kodwa abafundi bakho bengazili na?

15UJesu wathi kubo: Abakwabo kamyeni bangalila yini, umyeni eselabo na? Kodwa zizakufika insuku lapho umyeni ezakususwa kubo; kubeng’khonake bezakuzila.

16Kakho obekela isichibi selembu elingakafinyeli engutsheni endala, ngoba lokho okubekelwe kuyo kuzadabuka kuyo, siqhele isikhala.

17Njalo iwayini elitsha kalithelwa emigodleni emidala, funa imigodla idabuke, lewayini lichitheke, lemigodla yonakale. Kodwa iwayini elitsha balithela emigodleni emitsha, kulondolozeke kokubili.

Indodakazi kaJayirosi ivuswa ekufeni. Owesifazana owayelomopho uyasiliswa(Mark 5:21–43; Luka 8:40–56)

18Kwathi esakhuluma lezizinto kubo, kwafika umphathi, waguqa phambi kwakhe, wathi: Indodakazi yami isand’ukufa; kodwa akuze, ubeke isandla sakho phezu kwayo, izakusila.

19Wasukuma uJesu, wamlandela kanye labafundi bakhe.

20Owesifazana owayelomopho iminyaka elitshumi lambili wasondela ngemva kwakhe, wathinta umphetho wengubo yakhe.

21Ngoba wathi enhliziyweni yakhe: Aluba ngithinta nje ingubo yakhe, ngizakusiliswa.

22UJesu waphenduka, embona wathi: Mana isibindi, dade; ukukholwa kwakho kukusilisile. Owesifazana wasila kusukela kulesosikhathi.

23UJesu wafika endlini yomphathi, wabona abakhalisa imihlanga lexuku liphithizela,

24wathi: Gwedlani, ngoba intombazana kayifanga, kodwa ilele. Bamhleka ulunya.

25Ixuku selikhutshiwe, wangena, wabamba isandla sayo; intombazana yavuka.

26Udumo lwalokho lwaphumela kulelolizwe lonke.

UJesu uhawukela iziphofu lesimungulu labakhathazekileyo

27Wathi uJesu esedlula lapho, iziphofu ezimbili zamlandela, zimemeza zisithi: Sihawukele, Ndodana kaDavida!

28Esengenile endlini, iziphofu zeza kuye. UJesu wathi kuzo: Liyakholwa ukuthi ngingakwenza lokhu na? Zathi kuye: Yebo, Nkosi.

29Wasethinta amehlo azo, wathi: Akwenzeke kini njengokukholwa kwenu.

30Asevuleka amehlo azo. UJesu wazilayisisa, wathi: Qaphelani ukuba kungaziwa muntu.

31Kodwa zaphuma, zalwandisa udumo lwakhe kulo lonke lelolizwe.

32Ekuphumeni kwazo, kwalethwa kuye isimungulu esilomoya omubi.

33Umoya omubi usukhutshiwe, isimungulu sakhuluma. Amaxuku amangala, athi: Kakuzanga kubonwe okunje koIsrayeli.

34Kodwa abaFarisi bathi: Ukhupha omoya ababi ngenkosi yomoya ababi.

36Esebonile amaxuku, wawahawukela, ngoba ayekhathazekile, ehlakazekile njengezimvu ezingelamalusi.Nani 27:17; 1 Kho 22:17; 2 Lan 18:16; Hez 34:5; Zek 10:2; Mark 6:34

37Wasesithi kubafundi bakhe: Ukuvuna kukhulu, kodwa izisebenzi ziyingcosana.Luka 10:2

38Ngakhoke celani eNkosini yokuvuna ukuba ithumele izisebenzi ekuvuneni kwayo.