1UJoshuwa wasebuthanisa eShekema zonke izizwe zakoIsrayeli, wabiza abadala lezinhloko zemizi labahluleli lezinduna zakoIsrayeli, bema phambi kukaNkulunkulu.
2UJoshuwa wathi kubo bonke abantu: INkosi, uNkulunkulu kaIsrayeli, ithi: Endulo okhokho benu babehlala ngaphetsheya komfula iYufrathi, uTera uyise kaAbrahama lokaNahori, babekhonza abanye onkulunkulu.
14Ngakhoke yesabeni iNkosi, liyikhonze ngobuqotho langeqiniso, lisuse onkulunkulu okhokho benu ababakhonza ngaphetsheya komfula iYufrathi laseGibithe, likhonze iNkosi.
15Uba lingafuni ukuyikhonza iNkosi, khethani lamhla lowo elizamkhonza, onkulunkulu abakhonzwa ngokhokho benu elizweni elingaphetsheya komfula iYufrathi, loba onkulunkulu bamaAmori elihlala elizweni lawo. Mina lendlu yami sizayikhonza iNkosi.
16Basebephendula abantu besithi: Kakube khatshana lathi ukuba sitshiye iNkosi, sikhonze abanye onkulunkulu.
17Ngoba kuyiyo iNkosi uNkulunkulu wethu eyasikhuphayo thina labokhokho elizweni laseGibithe, endaweni yobugqili, yenza lezizimangaliso ezinkulu phambi kwethu, yasilondoloza kuyo yonke indawo esahamba kiyo, laphakathi kwabo bonke abantu esidlule kibo.
18Yaxotsha phambi kwethu zonke izizwe, lamaAmori ayehlala kulelilizwe. Ngakhoke lathi sizayikhonza iNkosi, ngoba inguNkulunkulu wethu.
19UJoshuwa wathi ebantwini: Lina lingeyikhonze iNkosi ngoba inguNkulunkulu ongcwele, loNkulunkulu olomona. Kayiyikuthethelela iziphambeko zenu lezono zenu.
20Uba liyitshiya iNkosi likhonze onkulunkulu bezizweni, izaphenduka ilenzele okubi, iliqede, ngemva kokulenzela okuhle.
21Abantu bathi kuJoshuwa: Atshi! kodwa sizayikhonza iNkosi.
22UJoshuwa wasesithi ebantwini: Lizazifakazela lina ukuthi liyikhethile iNkosi ukuba liyikhonze. Basebesithi: Singofakazi.
23Wathi: Khuphanike onkulunkulu bezizweni abaphakathi kwenu, liphendulele inhliziyo zenu eNkosini, uNkulunkulu kaIsrayeli.
24Abantu bathi kuJoshuwa: INkosi uNkulunkulu wethu sizayikhonza, sililalele ilizwi layo.
25Ngakhoke uJoshuwa wasebenzela abantu isivumelwano ngalolosuku, wababekela izimiso lemithetho eShekema.
26UJoshuwa waloba lawomazwi ogwalweni lomlayo kaNkulunkulu; wathatha ilitshe elikhulu, walibeka khonapho ngaphansi kwesihlahla esikhulu ngasendlini yeNkosi.
27Wasesithi ebantwini bonke: Khangelani, lelilitshe lizakuba ngufakazi ngathi, ngoba liwezwile wonke amazwi iNkosi eyawakhuluma kithi; ngakhoke lizakuba ngufakazi ngani funa limkhohlise uNkulunkulu wenu.
28UJoshuwa wasebayekela abantu ukuba bahambe, baye endaweni zabo.
Ukufa kukaJoshuwa lokukaEleyazare29Ngemva kwalezizinto uJoshuwa indodana kaNuni, inceku yeNkosi, wafa eleminyaka elikhulu letshumi.
30Bamngcwabela endaweni yakhe eTiminathi‐Sera entabeni zakoEfrayimi ngasenyakatho kwentaba iGashi.Josh 19:49–50
31UIsrayeli wayikhonza iNkosi zonke insuku zikaJoshuwa lazo zonke insuku zabadala abasalayo, ababewazi wonke umsebenzi iNkosi eyawenzela uIsrayeli.
32Amathambo kaJosefa abakoIsrayeli abaphuma lawo eGibithe angcwatshelwa eShekema, esiqintini uJakobe asithenga kubantwana bakaHamori uyise kaShekema ngenhlamvu zemali ezilikhulu; saba yilifa labantwana bakaJosefa.Gen 50:24–25; Eks 13:19 Gen 19; Joha 4:5; Seb 7:16
33UEleyazare indodana kaAroni laye wafa; bamngcwabela eGibeya, emzini wendodana yakhe uFiniyasi ayewuphiwe ezintabeni zakoEfrayimi.
Who We AreWhat We EelieveWhat We Do
2025 by iamachristian.org,Inc All rights reserved.
