2 Kho 9 - Ndebele Bible (iBhayibhili Elingcwele) 1978

UJehu ugcotshwa ukuba abe yinkosi yakoIsrayeli

1UElisha umprofethi wabiza omunye wexuku labaprofethi wathi kuye: Khwica izigqoko zakho, uthathe leligabha lamafutha uye eRamothi‐Gileyadi.

2Nxa ufika khona udinge uJehu indodana kaJehoshafati kaNimshi, uye kuye, umtshele asuke phakathi kwabangane bakhe, umngenise endlini engaphakathi.

3Ubusuthatha leligabha lamafutha, uwathele ekhanda lakhe uthi: INkosi ithi: Ngiyakugcoba ube yinkosi yakoIsrayeli. Ubusuvula umnyango, ubaleka, ungemi.

4Laselihambake ijaha lelo lomprofethi, laya eRamothi‐Gileyadi.

5Ekufikeni kwalo lafica induna zempi zisemhlanganweni, lathi: Ngilombiko kuwe, nduna. UJehu wathi: Utsho kubani kithi na? Lona lathi: Ngitsho kuwe, nduna.

6Wasesukumake engena endlini; ijaha lelo laselithela amafutha ekhanda lakhe lisithi: INkosi, uNkulunkulu kaIsrayeli, ithi: Ngiyakugcoba ukuba ube yinkosi yabantu bami, abakoIsrayeli.UJehu ubulala uAhaziya

27UAhaziya inkosi yakoJuda esekubonile lokhu wabaleka, waqonda eBeti‐Hagani. UJehu waxotshana laye, wathi: Mcibeni; basebemciba esenqoleni yakhe emqansweni waseGuri eliseduze leIbileyamu. Wabalekela eMegido, wafela khona.

28Inceku zakhe zamthwala, zamusa eJerusalema, zamngcwaba elibeni lakhe kanye labokhokho bakhe emzini kaDavida.

29Ngomnyaka wetshumi lanye wokubusa kukaJehoramu indodana kaAhabi uAhaziya waba yinkosi yakoJuda.

Ukubulawa kukaJezebeli

30Kwathi uJehu esefikile eJezereli, uJezebeli wezwa ngalokhu okwenzakeleyo. Wacomba amehlo akhe, wacecisa ikhanda lakhe, walunguza ngewindi.

31Lapho uJehu engena esangweni, uJezebeli wathi: Uza ngokuthula yini, wena Zimri, mbulali wenkosi yakho.

32UJehu wasekhangela ngasewindini, wamemeza wathi: Ngubani ongakimi na? Ngubani? Abathenwa ababili loba abathathu bamlunguza engaphansi.

33Wasesithi: Mphoseleni phansi. Basebemphosela phansi; elinye igazi lakhe lachaphakela emdulini, lasemabhizeni anyathela phezu kwakhe.

34Wasengena esidla enatha, wathi: Ake limthathe lowesifazana oqalekisiweyo limngcwabe, ngoba uyindodakazi yenkosi.

35Kodwa kwathi lapho besiyamngcwaba, kabaficanga lutho ngaphandle kokhakhayi lenyawo lezandla.

36Kwathi sebembikele uJehu, wathi: Leli yilizwi leNkosi eyalikhuluma ngenceku yayo uElija waseTishibi isithi: Elizweni laseJezereli izinja zizakudla uJezebeli;1 Kho 21:23

37lesidumbu sakhe sizakuba njengomquba osegangeni elizweni laseJezereli ukuze kungabi khona othi: Lo nguJezebeli.