1Ngiyamveza kini uFebe, isikhonzikazi sebandla laseKenikreya,
2ukuze limamukele eNkosini njengokufanele abangcwele, limsize ngakho konke akucela kini; ngoba yena usizile abanengi, lami uqobo.
3Bingelelani uPriska loAkwila, izisebenzi kanye lami kuKristu Jesu,Seb 18:2
4abaqonda ingozi ngenxa yokusila kwami, engibabongayo, kungesimi ngedwa kodwa lamabandla wonke abezizwe.
5Bingelelani lebandla elisendlini yabo. Bingelelani uEpenetu, umngane wami, ongowokuqala ukuphendukela kuKristu eAsiya.
6Bingelelani uMariya owalisebenzela kakhulu.
7Bingelelani uAnderoniku loJuniya abayizihlobo zami lezibotshwa kanye lami; bangabadumileyo phakathi kwabaphostoli, babekuKristu ngaphambi kwami.
8Bingelelani uAmpiliyatu, umngane wami eNkosini.
9Bingelelani uOrbanu isisebenzi kanye lathi kuKristu, loSitako umngane wami.
10Bingelelani uApele, othembekileyo kuKristu. Bingelelani labo abendlu kaAristobulu.
11Bingelelani uHerodiyoni isihlobo sami. Bingelelani abendlu kaNarkisu abaseNkosini.
12Bingelelani uTrifina loTrifosa abasebenzela iNkosi. Bingelelani uPersisi othandekayo owayisebenzela kakhulu iNkosi.
13Bingelelani uRufusi okhethiweyo eNkosini, lonina ongumama.
14Bingelelani uAsinkiritu loFileko, loHerme, loPatroba, loHermasi, labazalwane abalabo.
15Bingelelani oFilologu loJuliya, loNerusi lodadewabo, loOlimpa, labangcwele bonke abalabo.
16Bingelelanani ngokwangana okungcwele. Wonke amabandla kaKristu ayalibingelela.
17Ngiyalincenga, bazalwane, ukuba liqaphele ababanga ukuxabana lezikhubekiso bephambene lesifundiso elafundiswa sona. Baxwayeni bona,
18ngoba abanjalo kabakhonzi iNkosi yethu uKristu, kodwa bakhonza inkanuko zabo; ngamazwi langokulalisa ngolimi bakhohlisa izinhliziyo zabangelacala.
19Bonke sebezwile ngokulalela kwenu; ngakhoke ngiyathokoza ngani; kodwa ngithanda ukuba lihlakaniphe kokuhle, libe ngabangahlakaniphanga kokubi.
20UNkulunkulu uzakumchoboza masinyane uSathane ngaphansi kwenyawo zenu.
21UTimothi isisebenzi kanye lami uyalibingelela; loLukiyu loJasoni loSosipatro izihlobo zami, bayalibingelela.
22Mina Tertiyo engilobe lincwadi ngiyalibingelela eNkosini.
23UGayusi, engingenise kuye mina lebandla lonke, uyalibingelela. UErastu, umphathisikhwama somuzi, lomzalwane uKwarto, bayalibingelela.
Isicino25Kuye olamandla okuliqinisa ngokwevangeli lami langokutshunyayelwa kukaJesu Kristu, langokwambulwa kwemfihlakalo eyayifihliwe ngezikhathi zakade,
26kodwa isibonakalisiwe khathesi, yaziswa ezizweni zonke ngemibhalo yabaprofethi njengomlayo kaNkulunkulu ongapheliyo ukuze zilalele ngokukholwa,
27kuNkulunkulu olokwazi yena yedwa kakube ubukhosi ngoJesu Kristu kuze kube nininini. Ameni.
Who We AreWhat We EelieveWhat We Do
2025 by iamachristian.org,Inc All rights reserved.
