Nani 7 - Ndebele Bible (iBhayibhili Elingcwele) 1978

Iminikelo enikelelwayo ialtare

1Kwathi ngosuku uMose aqeda ngalo ukumisa iTabernakeli, waligcoba, walahlukanisela iNkosi, lempahla yalo yonke, lezitsha zalo zonke;

2izikhulu zakoIsrayeli, eziyizinhloko zezindlu lezikhulu zezizwe, ezazibusa labo ababalwayo,

3zaletha iminikelo yazo eNkosini, inqola eziyisithupha ezembesiweyo lenkabi ezilitshumi lambili; ngazimbili zaletha inqola eyodwa, esinye lesinye saletha inkabi eyodwa; zaziletha phambi kweTabernakeli.

4INkosi yasisithi kuMose:

5Zamukele kuzo, ukuze zisetshenziswe enkonzweni yethente lokuhlangana, uzinike amaLevi, kulowo lalowo njengomsebenzi wakhe.

6Ngakhoke uMose wathatha izinqola lezinkabi, wazinika amaLevi.

7Wanika amadodana kaGerishoni inqola ezimbili lenkabi ezine, njengomsebenzi wawo;

8lenqola ezine lenkabi ezificaminwembili wazinika amadodana kaMerari, njengomsebenzi wawo awenzayo ngokulaya kukaIthamari indodana kaAroni umpristi.

9Kodwa amadodana kaKohathi kawanikanga lutho, ngoba wona anikwa umsebenzi wokulondoloza izinto ezingcwele ezimele ukuthwalwa emahlombe awo.

10Izikhulu zanikela umnikelo wokwahlukaniselwa kwealtare ngosuku lokugcotshwa kwalo, zanikela umnikelo phambi kwealtare.

11INkosi yathi kuMose: Izikhulu zizanikela iminikelo yokwahlukaniselwa kwealtare, ziyinikele ngamunye ngamunye ngensuku ezilandelanayo.

12Owanikela ngomnikelo wakhe ngosuku lokuqala wayenguNashoni indodana kaAminadaba, owesizwe sakoJuda.

13Umnikelo wakhe wawungumganu wesiliva, ubunzima bawo bungamashekeli alikhulu lamatshumi amathathu; umganu wokuchela wesiliva, ubunzima bawo bungamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wempuphu;

14inkezo yegolide, ubunzima bayo bungamashekeli alitshumi, igcwele impepha;

15inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa;

16impongo eyodwa ibe ngumnikelo wesono;

17okomhlatshelo weminikelo yokuthula kwaba yizinkabi ezimbili, lenqama ezinhlanu, lempongo ezinhlanu, lawawundlu amahlanu alomnyaka munye. Lokho kwakungumnikelo kaNashoni indodana kaAminadaba.

18Ngosuku lwesibili uNethaneli indodana kaZuwari, isikhulu sakoIsakari, wanikela umnikelo.

19Umnikelo wakhe wawungumganu wesiliva, ubunzima bawo bungamashekeli alikhulu lamatshumi amathathu; umganu wokuchela wesiliva, ubunzima bawo bungamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wempuphu;

20inkezo yegolide, ubunzima bayo bungamashekeli alitshumi, igcwele impepha;

21inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa;

22impongo eyodwa ibe ngumnikelo wesono;

23okomhlatshelo weminikelo yokuthula kwaba yizinkabi ezimbili, lenqama ezinhlanu, lempongo ezinhlanu, lamawundlu amahlanu alomnyaka munye. Lokho kwakungumnikelo kaNethaneli indodana kaZuwari.

24Ngosuku lwesithathu uEliyabi indodana kaHeloni, isikhulu sabantu bakoZebuluni, wanikela umnikelo.

25Umnikelo wakhe wawungumganu wesiliva, ubunzima bawo bungamashekeli alikhulu lamatshumi amathathu; umganu wokuchela wesiliva, ubunzima bawo bungamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wempuphu;

26inkezo yegolide, ubunzima bayo bungamashekeli alitshumi, igcwele impepha;

27inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa;

28impongo eyodwa ibe ngumnikelo wesono;

29okomhlatshelo weminikelo yokuthula kwaba yizinkabi ezimbili, lenqama ezinhlanu, lempongo ezinhlanu, lamawundlu amahlanu alomnyaka munye. Lokho kwakungumnikelo kaEliyabi indodana kaHeloni.

30Ngosuku lwesine uElizuri indodana kaShedewuri, isikhulu sabantu bakoRubeni, wanikela umnikelo.

31Umnikelo wakhe wawungumganu wesiliva, ubunzima bawo bungamashekeli alikhulu lamatshumi amathathu; umganu wokuchela wesiliva, ubunzima bawo bungamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wempuphu;

32inkezo yegolide, ubunzima bayo bungamashekeli alitshumi, igcwele impepha;

33inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa;

34impongo eyodwa ibe ngumnikelo wesono;

35okomhlatshelo weminikelo yokuthula kwaba yizinkabi ezimbili, lenqama ezinhlanu, lempongo ezinhlanu, lamawundlu amahlanu alomnyaka munye. Lokho kwakungumnikelo kaElizuri indodana kaShedewuri.

36Ngosuku lwesihlanu uShelumiyeli indodana kaZurishadayi, isikhulu sabantu bakoSimeyoni, wanikela umnikelo.

37Umnikelo wakhe wawungumganu wesiliva, ubunzima bawo bungamashekeli alikhulu lamatshumi amathathu; umganu wokuchela wesiliva, ubunzima bawo bungamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wempuphu;

38inkezo yegolide, ubunzima bayo bungamashekeli alitshumi, igcwele impepha;

39inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa;

40impongo eyodwa ibe ngumnikelo wesono;

41okomhlatshelo weminikelo yokuthula kwaba yizinkabi ezimbili, lenqama ezinhlanu, lempongo ezinhlanu, lamawundlu amahlanu alomnyaka munye. Lokho kwakungumnikelo kaShelumiyeli indodana kaZurishadayi.

42Ngosuku lwesithupha uEliyasafi indodana kaDehuweli, isikhulu sabantu bakoGadi, wanikela umnikelo.

43Umnikelo wakhe wawungumganu wesiliva, ubunzima bawo bungamashekeli alikhulu lamatshumi amathathu; umganu wokuchela wesiliva, ubunzima bawo bungamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wempuphu;

44inkezo yegolide, ubunzima bayo bungamashekeli alitshumi, igcwele impepha;

45inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa;

46impongo eyodwa ibe ngumnikelo wesono;

47okomhlatshelo weminikelo yokuthula kwaba yizinkabi ezimbili, lenqama ezinhlanu, lempongo ezinhlanu, lamawundlu amahlanu alomnyaka munye. Lokho kakungumnikelo kaEliyasafi indodana kaDehuweli.

48Ngosuku lwesikhombisa uElishama indodana kaAmihudi, isikhulu sabantu bakoEfrayimi, wanikela umnikelo.

49Umnikelo wakhe wawungumganu wesiliva, ubunzima bawo bungamashekeli alikhulu lamatshumi amathathu; umganu wokuchela wesiliva, ubunzima bawo bungamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wempuphu;

50inkezo yegolide, ubunzima bayo bungamashekeli alitshumi, igcwele impepha;

51inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa,

52impongo eyodwa ibe ngumnikelo wesono;

53okomhlatshelo weminikelo yokuthula kwaba yizinkabi ezimbili, lenqama ezinhlanu, lempongo ezinhlanu, lamawundlu amahlanu alomnyaka munye. Lokho kwakungumnikelo kaElishama indodana kaAmihudi.

54Ngosuku lwesificaminwembili uGamaliyeli indodana kaPedazuri, isikhulu sabantu bakoManase, wanikela umnikelo.

55Umnikelo wakhe wawungumganu wesiliva, ubunzima bawo bungamashekeli alikhulu lamatshumi amathathu; umganu wokuchela wesiliva, ubunzima bawo bungamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wempuphu;

56inkezo yegolide, ubunzima bayo bungamashekeli alitshumi, igcwele impepha;

57inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa;

58impongo eyodwa ibe ngumnikelo wesono;

59okomhlatshelo weminikelo yokuthula kwaba yizinkabi ezimbili, lenqama ezinhlanu, lempongo ezinhlanu, lamawundlu amahlanu alomnyaka munye. Lokho kwakungumnikelo kaGamaliyeli indodana kaPedazuri.

60Ngosuku lwesificamunwemunye uAbidani indodana kaGideyoni, isikhulu sabantu bakoBenjamini, wanikela umnikelo.

61Umnikelo wakhe wawungumganu wesiliva, ubunzima bawo bungamashekeli alikhulu lamatshumi amathathu; umganu wokuchela wesiliva, ubunzima bayo bungamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wempuphu;

62inkezo yegolide, ubunzima bayo bungamashekeli alitshumi, igcwele impepha;

63inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa;

64impongo eyodwa ibe ngumnikelo wesono;

65okomhlatshelo weminikelo yokuthula kwaba yizinkabi ezimbili, lenqama ezinhlanu, lempongo ezinhlanu, lamawundlu amahlanu alomnyaka munye. Lokho kwakungumnikelo kaAbidani indodana kaGideyoni.

66Ngosuku lwetshumi uAhiyezeri indodana kaAmishadayi, isikhulu sabantu bakoDani, wanikela umnikelo.

67Umnikelo wakhe wawungumganu wesiliva, ubunzima bawo bungamashekeli alikhulu lamatshumi amathathu; umganu wokuchela wesiliva, ubunzima bayo bungamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wempuphu;

68inkezo yegolide, ubunzima bayo bungamashekeli alitshumi, igcwele impepha;

69inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa;

70impongo eyodwa ibe ngumnikelo wesono;

71okomhlatshelo weminikelo yokuthula kwaba yizinkabi ezimbili, lenqama ezinhlanu, lempongo ezinhlanu, lamawundlu amahlanu alomnyaka munye. Lokho kwakungumnikelo kaAhiyezeri indodana kaAmishadayi.

72Ngosuku lwetshumi lanye uPagiyeli indodana kaOkirani, isikhulu sabantu bakoAsheri, wanikela umnikelo.

73Umnikelo wakhe wawungumganu wesiliva, ubunzima bawo bungamashekeli alikhulu lamatshumi amathathu; umganu wokuchela wesiliva, ubunzima bayo bungamashekeli angamatshumi ayisikhombisa, ngokweshekeli lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wempuphu;

74inkezo yegolide ubunzima bayo bungamashekeli alitshumi, igcwele impepha;

75inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa;

76impongo eyodwa ibe ngumnikelo wesono;

77okomhlatshelo weminikelo yokuthula kwaba yizinkabi ezimbili, lenqama ezinhlanu, lempongo ezinhlanu, lamawundlu amahlanu alomnyaka munye. Lokho kwakungumnikelo kaPagiyeli indodana kaOkirani.

78Ngosuku lwetshumi lambili uAhira indodana kaEnani, isikhulu sabantu bakoNafitali, wanikela umnikelo.

79Umnikelo wakhe wawungumganu wesiliva, ubunzima bawo bungamashekeli alikhulu lamatshumi amathathu; umganu wokuchela wesiliva, ubunzima bayo bungamashekeli angamatshumi ayisikhombisa, ngokweshekei lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wempuphu;

80inkezo yegolide, ubunzima bayo bungamashekeli alitshumi, igcwele impepha;

81inkunzi eyodwa, lenqama eyodwa, lewundlu elilomnyaka munye, zibe ngumnikelo wokutshiswa;

82impongo eyodwa ibe ngumnikelo wesono;

83okomhlatshelo weminikelo yokuthula kwaba yizinkabi ezimbili, lenqama ezinhlanu, lempongo ezinhlanu, lamawundlu amahlanu alomnyaka munye. Lokho kwakungumnikelo kaAhira indodana kaEnani.

84Lezizinto zaziyiminikelo eyanikelwa yizikhulu zakoIsrayeli, ziyiminikelo yokwahlukaniselwa kwealtare ngosuku lokugcotshwa kwalo. Kwanikelwa imiganu yesiliva elitshumi lambili, lemiganu yokuchela yesiliva elitshumi lambili, lenkezo zegolide ezilitshumi lambili;

85ubunzima balowo lalowomganu babungamashekeli alikhulu lamatshumi amathathu; ubunzima balowo lalowomganu wokuchela babungamashekeli angamatshumi ayisikhombisa; ubunzima besiliva sonke salezizinto babungamashekeli azinkulungwane ezimbili, lamakhulu amane, ngokweshekeli lendlu engcwele.

86Kwanikelwa lezinkezo zegolide ezilitshumi lambili, zigcwele impepha; ubunzima baleyo laleyonkezo babungamashekeli alitshumi ngokweshekeli lendlu engcwele; ubunzima begolide lonke lezinkezo babungamashekeli alikhulu lamatshumi amabili.

87Zonke izifuyo zomnikelo wokutshiswa zaziyizinkunzi ezilitshumi lambili, lenqama ezilitshumi lambili, lamawundlu alitshumi lambili alomnyaka munye, kanye lomnikelo wempuphu oqondene lalezo; lempongo ezilitshumi lambili zomnikelo wesono.

88Zonke izifuyo zomhlatshelo weminikelo yokuthula zaziyizinkunzi ezingamatshumi amabili lane, lenqama ezingamatshumi ayisithupha, lempongo ezingamatshumi ayisithupha, lamawundlu angamatshumi ayisithupha alomnyaka munye. Lokho kwakungumnikelo wokwahlukaniselwa kwealtare, emva kokugcotshwa kwalo.

89Lapho uMose engena ethenteni lokuhlangana ukukhuluma leNkosi, wezwa ilizwi likhuluma, livela ngaphezu kwesihlalo somusa esisemtshokotshweni wobufakazi, ngaphakathi kwamakherubi amabili; lakhuluma kuye.