1Ngakhoke kuqala kukho konke ngilaya ukuba ukunxusa lokukhuleka lokucela lokubonga kwenzelwe abantu bonke,
2amakhosi lazo zonke izikhulu, ukuze sihlale kuhle langokuthula, sikhonze uNkulunkulu sibe lokuhlonipha konke.
3Lokhu kuhle, kuyabongeka phambi kukaNkulunkulu uMsilisi wethu
4othanda ukuba bonke abantu basiliswe, bafinyelele ekwazini iqiniso.
5Ngoba munye uNkulunkulu; munye umlamuli phakathi kukaNkulunkulu labantu, umuntu uKristu Jesu,
6owazinikela yena abe yinhlawulo yabo bonke; lokhu kwafakazelwa ngesikhathi esifaneleyo.
7Ngamiselwa khona mina ukuba ngibe ngumtshumayeli lomphostoli; ngikhuluma iqiniso, kangiqambi manga; yebo, ngibe ngumfundisi wabezizwe ekukholweni laseqinisweni.2 Tim 1:11
8Ngakho ngithanda ukuba amadoda akhuleke endaweni zonke, ephakamisa izandla ezingcwele, engalalaka lokuxabana.
9Ngokunjalo labesifazana bagqoke izigqoko ezifaneleyo, bacece ngokuhlonipha langokuqonda, kungabi ngenwele ezelukiweyo, langegolide, langamangqongqo aligugu, langezambatho ezibiza imali enengi;1 Pet 3:3
10kodwa kabacece ngemisebenzi emihle, okufanele abesifazana abathi bakhonza uNkulunkulu.
11Owesifazana kafunde ngokuthula langokuzithoba konke.
12Kangivumeli owesifazana ukuba afundise lokuba abe lamandla phezu kwabesilisa; kodwa kathule.
13Ngoba uAdamu wabunjwa kuqala, emva kwalokho kwabunjwa uEva.Gen 2:7, 21–22
14Futhi uAdamu kakhohliswanga, kanti owesifazana wakhohliswa, waphambuka.Gen 3:1–6
15Kodwa owesifazana uzakusiliswa ngokuzala abantwana, uba ehlala ekukholweni lasothandweni lasebungcweleni langokuqonda.
Who We AreWhat We EelieveWhat We Do
2025 by iamachristian.org,Inc All rights reserved.
