1Yileli ilizwi leNkosi elafika kuJeremiya mhla inkosi uZedekiya ethumela kuye uPashuri indodana kaMalikiya, loZefaniya umpristi, indodana kaMahaseya isithi:
2Ake usibuzele eNkosini, ngoba uNebukadineza inkosi yaseBabiloni uyasihlasela; mhlawumbe iNkosi ingasenzela njengazo zonke izimangaliso zayo, imenze asuke kithi.
3UJeremiya wathi kubo:
4Lizakuthi kuZedekiya: INkosi, uNkulunkulu kaIsrayeli, ithi: Ngizabuyisa izikhali zokulwa oziphetheyo, olwa ngazo lenkosi yaseBabiloni lamaKaladiya abakuvimbezeleyo ngaphandle kwemiduli, ngizilethe phakathi kwalumuzi.
5Mina uqobo ngizakulwa lawe ngesandla esilamandla langengalo elamandla, ngilokuthukuthela lokufutheka lolaka oluvuthayo.
6Ngizatshaya abakhileyo balumuzi, abantu lezifuyo; bazabulawa ngumkhuhlane onzima.
7Kuthi emva kwalokho, kutsho iNkosi, nginikele uZedekiya inkosi yakoJuda, lenceku zakhe, labantu balumuzi abasilileyo emkhuhlaneni, lempini, lendlaleni, esandleni sikaNebukadineza inkosi yaseBabiloni, lasezandleni zezitha zabo, ezandleni zalabo ababazingelayo. Uzakubabulala; kayikuba lasihawu, kayikubahawukela, kayikuba lamusa kibo.
8Kulababantu lizakuthi: INkosi ithi: Khangelani, ngibeka phambi kwenu indlela yokusila lendlela yokufa.
9Osala kulumuzi uzabulawa empini layindlala langumkhuhlane; kodwa ophumayo azinikele kumaKaladiya alivimbezeleyo uzakusila, aphunyuke lokuphila kwakhe.
10Ngoba ngiwukhangele lumuzi ukuba ngiwenzele okubi, ngingawenzeli okuhle, kutsho iNkosi; uzanikelwa esandleni senkosi yaseBabiloni ezakuwutshisa ngomlilo.
Amazwi amayelana lamakhosi akoJuda11Kuyo indlu yenkosi yakoJuda lithi: Zwana ilizwi leNkosi,
12lina ndlu kaDavida. INkosi ithi:
Yenzani okulungileyo ekuseni,
likhulule esandleni socindezelayo lowo ophangiweyo,
funa ulaka lwami luvuthe njengomlilo,
lutshise, kungabi khona olucimayo,
ngenxa yezenzo zenu ezimbi.
13Ngilwa lani, lina abakhileyo esigodini abanjengedwala emagcekeni, kutsho iNkosi,
lina elithi: Ngubani ozasehlela, angene emizini yethu na?
14Ngizalitshaya ngokufanele izenzo zenu, kutsho iNkosi;
ngizaphemba umlilo ehlathini ozatshisa konke okuseduze lalo.
Who We AreWhat We EelieveWhat We Do
2025 by iamachristian.org,Inc All rights reserved.
