1Ngomnyaka wesificamunwemunye wokubusa kukaZedekiya inkosi yakoJuda, ngenyanga yetshumi, uNebukadineza inkosi yaseBabiloni lempi yakhe yonke bafika balivimbezela iJerusalema.
2Ngomnyaka wetshumi lanye wokubusa kukaZedekiya, ngosuku lwesificamunwemunye lwenyanga yesine, umuzi wafohlelwa.
3Kwathi iJerusalema selithunjiwe, zonke izikhulu zenkosi yaseBabiloni zeza zahlala esangweni eliphakathi, uNerigali‐Sharezi, loSamiganebo, loSarisekimi induna yabathenwa, loNerigali‐Sharezi induna yamabutho, lazo zonke ezinye induna zenkosi yaseBabiloni.
4Kwathi lapho uZedekiya inkosi lawo wonke amabutho bebabona, babaleka, baphuma emzini ebusuku ngendlela yensimu yenkosi, ngesango eliphakathi kwemiduli emibili, baqonda eAraba.
5Kodwa impi yamaKaladiya yaxotshana labo, yamfica uZedekiya emagcekeni aseJeriko. Isimbambile yamletha kuNebukadineza inkosi yaseBabiloni eRibila, elizweni laseHamathi, wamgweba khona.
6Inkosi yaseBabiloni yawabulala amadodana kaZedekiya phambi kwakhe eRibila, yabulala zonke izikhulu zakoJuda.
7Yamkhupha amehlo uZedekiya, yambopha ngamaketane ukuba imuse eBabiloni.
8AmaKaladiya atshisa indlu yenkosi lezindlu zabantu, adilizela phansi imiduli yaseJerusalema.
9UNebuzaradani induna yabalindi yabathumba bonke abantu ababesele emzini, yabasa eBabiloni, labo ababebalekele kuye.
10UNebuzaradani induna yabalindi watshiya elizweni lakoJuda abantukazana ababengelalutho, ukuba balime izivini lamasimu ngalesosikhathi.
11UNebukadineza inkosi yaseBabiloni walaya uNebuzaradani induna yabalindi ngoJeremiya wathi:
12Mthathe, umlondoloze kuhle, ungamenzeli okubi, kodwa wenze lokho akutshela khona.
13Ngakho uNebuzaradani induna yabalindi loNebushazibani induna yabathenwa, loNerigali‐Sharezi induna yamabutho, lazo zonke induna zenkosi yaseBabiloni,
14bamsusa uJeremiya egumeni labalindi, bamnikela kuGedaliya indodana kaAhikamu, indodana kaShafani, ukuba amuse ekhaya. Wasehlala phakathi kwabantu.
UEbedimeleki uzakhululwa yiNkosi15Ilizwi leNkosi lafika kuJeremiya esavalelwe egumeni labalindi, lathi:
16Hamba uyekuthi kuEbedimeleki umEtiyopiya: INkosi yamabandla, uNkulunkulu kaIsrayeli, ithi: Ngizagcwalisa amazwi ami ngalumuzi ngokubi kungesikho ngokuhle, azagcwaliseka phambi kwakho ngalolosuku.
17Kodwa wena ngizakukukhulula ngalolosuku, kutsho iNkosi, kawuyikunikelwa ezandleni zabantu obesabayo;
18ngoba ngizakukhulula impela, kawuyikubulawa, kodwa uzaphunyuka, ngoba ungithembile, kutsho iNkosi.
Who We AreWhat We EelieveWhat We Do
2025 by iamachristian.org,Inc All rights reserved.
