1Mina omdala, ngithi kuye uGeyu othandekayo, engimthanda ngeqiniso:Seb 19:29; Roma 16:23; 1 Kor 1:14
2Sithandwa, ngikufisela okuhle kanye lokuphila; ngiyazi ukuba umphefumulo wakho umi kuhle.
3Ngathokoza kakhulu lapho kufika abazalwane abafakazela iqiniso lokuhamba kwakho, njengoba uhamba eqinisweni impela.
4Kakukho okungangithokozisa ukwedlula lokho ukuthi ngizwe ukuba abantwana bami bahamba eqinisweni.
Inkathazo ebandleni5Sithandwa, wenza umsebenzi wokuthembeka ngalokho okwenzela abazalwane, ikakhulu abemzini;
6bona bafakazele uthando lwakho phambi kwebandla. Uzabe wenze kuhle uba ubasiza ekuhambeni kwabo njengokufanele uNkulunkulu esimkhonzayo.
7Ngoba baphumile ngenxa yakhe, bengamukeli lutho kwabezizwe.
8Ngakhoke sifanele ukubasiza abanjalo ukuze sibe yizisebenzi zeqiniso kanye labo.
9Ngalobela ibandla; kodwa uDiyotrefe othanda ukuba abe mkhulu, kavumi ukusilalela.
10Ngakho uba ngifika, ngizakumkhumbuza lokho akwenzayo; uyasihleba ngamazwi amabi; futhi kakholiswa layilokho, uyala ukubamukela abazalwane yena, uyabalela lalabo abathanda ukubamukela, abakhuphe ebandleni.
11Sithandwa, ungakulingiseli okubi, kodwa lingisela okuhle. Owenza okuhle ungokaNkulunkulu; owenza okubi kambonanga uNkulunkulu.
12UDemetriyu ufakazelwa yibo bonke layilo iqiniso uqobo; lathi siyamfakazela, uyazi lawe ukuba ubufakazi bethu buqinisile.
Isicino13Bengilokunengi ebengizakukulobela ngakho, kodwa kangithandi ukukuloba ephepheni ngeyinki.
14Ngithemba ukukubona masinyane, sikhulume sikhangelene.
15Ukuthula kakube kuwe. Abangane bayakubingelela. Bingelela abangane bonke, ilowo lalowo wabo.
Who We AreWhat We EelieveWhat We Do
2025 by iamachristian.org,Inc All rights reserved.
