Dute 6 - Ndebele Bible (iBhayibhili Elingcwele) 1978

Umthetho omkhulu

1Yiyo le imithetho lezimiso lezahlulelo iNkosi uNkulunkulu wakho eyangilaya ukukufundisa zona, ukuba uzenze elizweni oya kulo ukuba ulithumbe,

2ukuze uyesabe iNkosi uNkulunkulu wakho wena lendodana yakho lendodana yendodana yakho, ugcine zonke izimiso zayo lemithetho yayo engikulaya yona, zonke insuku zokuhamba kwakho, ukuze insuku zakho zande.

3Ngakhoke zwana, Israyeli, unanzelele ukuzenza, ukuba kukulungele, wande kakhulu elizweni eligcwele uchago lenyosi njengokukuthembisa kwayo iNkosi uNkulunkulu wabokhokho benu.

4Zwana, Israyeli, ukuthi: INkosi inguNkulunkulu wethu, yiNkosi yinye.Mark 12:29

5Wothanda iNkosi uNkulunkulu wakho ngenhliziyo yakho yonke langomoya wakho wonke langamandla akho wonke.Mat 22:37; Mark 12:30; Luka 10:27

6Amazwi la engiwakhulumayo lamuhla azakuba senhliziyweni yakho;Dute 11:18–20

7uzakuwafundisa abantwana bakho, uwatsho lapho uhlezi endlini yakho, lalapho uhamba endleleni, lalapho ulala, lalapho uvuka.

8Uzakuwabophela esandleni sakho abe luphawu, lasebunzini lakho abe yisikhumbuzo.

9Uzakuwaloba ensikeni zomnyango wendlu yakho, lemasangweni akho.

AbakoIsrayeli baxwayiswa ngokungalaleli

10Kuzakuthi lapho iNkosi uNkulunkulu wakho ekungenisa elizweni eyafunga kubokhokho benu, oAbrahama loIsaka loJakobe, ukukunika ilizwe elilemizi emikhulu lemihle ongayakhanga,Gen 12:7; 26:3; 28:13

11lezindlu ezigcwele zonke izinto ezinhle ongazigcwalisanga, lemithombo ongayimbanga, lezivini lezihlahla zamaoliva ongazihlanyelanga, ongadla kuzo usuthe,

12qaphela, ukuba ungayikhohlwa iNkosi eyakukhupha eGibithe, endaweni yobugqili.

13Uzakuyesaba iNkosi uNkulunkulu wakho, uyikhonze, ufunge ngebizo layo.Mat 4:10; Luka 4:8

14Ungalandeli abanye onkulunkulu, onkulunkulu babantu abakhe eduze lawe.

15Ngoba iNkosi uNkulunkulu wakho ophakathi kwakho inguNkulunkulu olomona. Qaphela, funa iNkosi uNkulunkulu wakho ikuthukuthelele, ikuchithe emhlabeni.

16Ungayilingi iNkosi uNkulunkulu wakho njengalokhu wayilinga eMasa.Mat 4:7; Luka 4:12 Eks 17:1–7

17Ugcine kuhle imithetho yayo lemilayo yayo lezimiso zayo ekulaye zona.

18Wenze okulungileyo lokuhle emehlweni eNkosi ukuba kukulungele, lokuba ungene ulithumbe ilizwe elihle, iNkosi eyafunga ukulinika okhokho benu,

19lokuxotsha zonke izitha zakho phambi kwakho, njengokuthembisa kwayo.

20Kuzakuthi lapho indodana yakho ikubuza esikhathini esizayo isithi: Itshoni imilayo lezimiso lezahlulelo iNkosi uNkulunkulu wakho ekulaye zona na?

21wena uzakuthi endodaneni yakho: Thina sasiyizigqili zikaFaro eGibithe. INkosi yasikhupha eGibithe ngesandla esilamandla,

22yenza phambi kwethu izibonakaliso lezimangaliso ezinkulu lezinzima phezu kweGibithe, phezu kukaFaro labo bonke abendlu yakhe.

23Yasikhupha khona ukuze isingenise elizweni, isinike lona eyafunga ukulinika okhokho.

24INkosi yasilaya ukwenza zonke lezizimiso lokwesaba iNkosi uNkulunkulu wethu, ukuba kusilungele njalonjalo, lokuba isilondoloze siphile njengalamhla.

25Kuzakuba yikulunga kwethu uba sinanzelela ukwenza limilayo phambi kweNkosi uNkulunkulu wethu njengokusilaya kwayo.