1Mina Pawuli, inceku kaNkulunkulu lomphostoli kaJesu Kristu wokwakha ukukholwa kwabakhethiweyo bakaNkulunkulu lowokwandisa ukwazi iqiniso elimayelana lokukhonza uNkulunkulu,
2ngilethemba lokuphila okungapheliyo, uNkulunkulu ongaqambi manga akuthembisa ekuqaleni kwesikhathi.
3Ngesikhathi esifaneleyo wabonakalisa ilizwi lakhe ngentshumayelo engayiphathiswa ngokulaya kukaNkulunkulu uMsilisi wethu.
4Ngithi kuTitosi umntanami impela ngokukholwa esikuhlanganyele sonke: Kakube kuwe umusa lokuthula okuvela kuNkulunkulu uBaba lakuKristu Jesu uMsilisi wethu.Ukubekwa kwabadala bebandla. Abafundisi bamanga
5Ngakutshiya eKrete ukuba ulungise lokho okwasilela ukulungiswa, ubeke abadala bebandla emizini yonke, njengoba ngakulaya,
6uba kukhona ongasolekiyo, indoda elomfazi munye, elabantwana abakholwayo abangasolwa ngokuganga loba ngokungalaleli.1 Tim 3:2–7
7Ngoba umalusi webandla uyinceku kaNkulunkulu, kumele abe ngongasolekiyo longaziqakisiyo, longathukutheli masinyane, longesiso isidakwa, longathandi ukulwa, longafisi inzuzo.
8Kodwa kabe ngophatha kuhle izihambi, lothanda okuhle, loziphathayo, loqondileyo, longcwele, lozithintayo.
9Kabambelele elizwini elithembekileyo ngokwesifundiso esiqotho ukuze abe lamandla okweluleka ngokusifundisa okuqotho lokwehlula labo abaphikisayo.
10Ngoba banengi abangalaleliyo, abakhuluma ize labakhohlisayo, ikakhulu bona abokusoka,
11okumele ukuba bathuliswe, lokhu bechitha imizi ngokufundisa okungafanelanga befuna inzuzo.
12Omunye kibo umprofethi wabo wathi: AbaseKrete bangabaqambi bamanga, izilo ezimbi, iziminzi ezivilaphayo.
13Lobubufakazi buqinisile. Ngakhoke ubalayisise ukuze baqine ekukholweni,
14bangalaleli inganekwane zabaJuda lemithetho yabantu abadela iqiniso.
15Kwabahlambulukileyo konke kuhlanzekile, kodwa kwababi labangakholwayo kakukho lutho oluhlanzekileyo, ngoba zonakele ingqondo zabo lezazela zabo.
16Bathi bayamazi uNkulunkulu, kodwa bemphika ngezenzo zabo; bangabenyanyekayo, labangalaleliyo, lasemisebenzini yonke emihle kabasizi lutho.
Who We AreWhat We EelieveWhat We Do
2025 by iamachristian.org,Inc All rights reserved.
