1Kwaba khona ezulwini isibonakaliso esikhulu, owesifazana embethe ilanga, lenyanga ingaphansi kwenyawo zakhe, kukhona ekhanda lakhe umqhele wezinkanyezi ezilitshumi lambili;
2wayekhulelwe, wakhala ebuhlungwini bomhelo wakhe.
3Kwabonakala esinye isibonakaliso ezulwini; kwaba khona umgobho omkhulu obomvu, olamakhanda ayisikhombisa lempondo ezilitshumi, lemiqhele eyisikhombisa isemakhanda awo;Dan 7:7
4umsila wawo wadonsa ingxenye yesithathu yezinkanyezi zomkhathi, waziphosela emhlabeni. Umgobho wema phambi kowesifazana obesezakubeletha, ukuze kuthi lapho esebelethile, udle umntwana wakhe.Dan 8:10
5Wabeletha umntwana wesilisa ozakubusa izizwe zonke ngentonga yensimbi; kodwa umntwana wakhe wahluthulelwa kuNkulunkulu lasesihlalweni sakhe sobukhosi;Isa 66:7; Hubo 2:9
6lowesifazana wabalekela enkangala, lapho okwakulendawo ayeyilungiselwe nguNkulunkulu, ukuba ondliwe khona insuku eziyinkulungwane lamakhulu amabili lamatshumi ayisithupha.
7Kwaba khona ukulwa ezulwini; uMikayeli lezithunywa zakhe balwa lomgobho. Umgobho ulezithunywa zawo lawo walwa,Dan 10:13, 21; 12:1; Juda 9
8kodwa wehlulwa, lendawo yawo kayabe isaba khona ezulwini.
9Umgobho omkhulu waphoselwa phansi, inyoka endala ebizwa ngokuthi nguSathane loMubi, umkhohlisi womhlaba wonke; waphoselwa phansi emhlabeni kanye lezithunywa zakhe.Gen 3:1; Luka 10:18
10Ngasengisizwa ilizwi elikhulu ezulwini lisithi: Khathesi ukunqoba lamandla lobukhosi ngokukaNkulunkulu wethu, lokubusa kukaKristu wakhe, sekufikile; ngoba uphoselwe phansi ummangaleli wabazalwane bethu obamangalelayo emini lebusuku phambi kukaNkulunkulu.Jobe 1:9–11; Zek 3:1
11Bamnqobile ngegazi leWundlu langelizwi lobufakazi babo, ngoba badela ukuphila kwabo kwaze kwaba sekufeni.
12Ngakhoke thokozani lina mazulu lani elihlalo kuwo. Kodwa maye kuwe mhlaba lakuwe lwandle! Ngoba uSathane wehlele kini elolaka olukhulu, esazi ukuthi isikhathi sakhe sifitshane.
13Kwathi umgobho usubonile ukuthi uphoselwe phansi emhlabeni wazingela owesifazana owayezele umntwana wesilisa.
14Kodwa owesifazana wanikwa amaphiko amabili okhozi olukhulu ukuba awubalekele umgobho, aphaphele enkangala endaweni lapho abezakondliwa khona okweminyaka emithathu lenyanga eziyisithupha.Dan 7:25; 12:7
15Lenyoka yakhupha amanzi emlonyeni wayo emva kowesifazana kungathi ngumfula ukuba immukise.
16Kodwa umhlaba wamsiza owesifazana, umhlaba wakhamisa umlomo wawo, waginya amanzi ayekhutshwe ngumgobho emlonyeni wawo.
17Umgobho wamthukuthelela owesifazana, wasuka wayakulwa labaseleyo benzalo yakhe, labo abagcina imilayo kaNkulunkulu labafakazela uJesu.
18Wema esihlabathini solwandle.
Who We AreWhat We EelieveWhat We Do
2025 by iamachristian.org,Inc All rights reserved.
