1Ngabuya ngaphakamisa amehlo ami, ngabona inqola zokulwa ezine ziphuma phakathi kwentaba ezimbili ezazingezethusi.
2Inqola yokuqala yayilamabhiza abomvu, eyesibili ilamabhiza amnyama,Isam 6:4
3eyesithathu ilamabhiza amhlophe, leyesine ilamabhiza alamabala.Isam 6:2
4Ngasengisithi kuso isithunywa esasikhuluma lami: Lokhu kuyini, nkosi yami?
5Isithunywa sangiphendula sathi: Lokhu kuyimimoya emine yaphezulu esuka ekumeni phambi kweNkosi yomhlaba wonke.Isam 7:1
6Inqola elamabhiza amnyama iya elizweni lasenyakatho, elamabhiza amhlophe iya elizweni lasentshonalanga, lelamabhiza alamabala iya elizweni laseningizimu.
7Ekuphumeni kwawo ayephitshekela ukuhamba, ayehlola ilizwe. Sathi: Hambani liyehlola umhlaba. Ngakho awuhlola umhlaba.
8Sasesingimemeza sisithi: Khangela, lawo aya elizweni lasenyakatho aphumuzile umoya wami elizweni lasenyakatho.
Ukugcotshwa kukaJoshuwa umpristi omkhulu9Ilizwi leNkosi lafika kimi lathi:
10Hamba uye kwabathunjiweyo, oHelidayi loTobiya loJedaya loJosiya indodana kaZefaniya, abafike bevela eBabiloni,
11wamukele kibo isiliva legolide, wenze umqhele, uwuthwalise uJoshuwa indodana kaJehozadaki umpristi omkhulu,
12uthi kuye: INkosi yamabandla ithi: Nangu umuntu obizo lakhe lithiwa nguHlumela, ngoba uzakhula endaweni yakhe, akhe ithempeli leNkosi.Jer 23:5; 33:15; Zek 3:8
13Nguye ozakwakha ithempeli leNkosi, abe lobukhosi; uzahlala esihlalweni sobukhosi, abuse. Kuzakuba khona umpristi ngakwesokunene sakhe, bazakuzwana bobabili.
14Umqhele uzakuba sethempelini leNkosi, ube yisikhumbuzo kuHelidayi loTobiya loJedaya loJosiya indodana kaZefaniya.
15Lalabo abakhatshana bazafika ukusiza ukwakha ithempeli leNkosi; lizakwazi ukuba iNkosi yamabandla ingithumile kini. Lokhu kuzakwenzeka, uba lilalela ilizwi leNkosi uNkulunkulu ngenhliziyo zenu zonke.
Who We AreWhat We EelieveWhat We Do
2025 by iamachristian.org,Inc All rights reserved.
