Hubo 13 - Ndebele Bible (iBhayibhili Elingcwele) 1978

Umkhuleko wokucela ukusizwa

1Nkosi, uzakungikhohlwa kuze kube nininini na?

Koze kube nini ungifihlela ubuso bakho na?

2Koze kube nini ngifuthelwa emphefumulweni wami,

ngibe losizi enhliziyweni yami emini lebusuku na?

Koze kube nini isitha sami sibusa phezu kwami na?

3Zwana ungiphendule, Nkosi, Nkulunkulu wami;

khanyisa amehlo ami funa ngilale ubuthongo bokufa,

4funa isitha sami sithi: Sengimahlule;

funa abamelana lami bathokoze ngoba nginqotshiwe.

5Kodwa ngiluthembile uthando lwakho olungapheliyo,

lenhliziyo yami izakuthaba ngokukhulula kwakho.

6Ngizakuyihlabelela iNkosi,

ngoba ingenzele okuhle kakhulu.