1AmaFilistiya alwa loIsrayeli; abakoIsrayeli behlulwa, abanengi bafela entabeni yaseGilibowa.1 Lan 10:1–12
2AmaFilistiya axotshana loSawuli lamadodana akhe; abulala uJonathani, loAbinadaba, loMalikishuwa, amadodana kaSawuli.
3Impi yaba nzima kuSawuli, abatshoki bemitshoko bamfica; bamlimaza kubi.
4USawuli wasesithi kumphathi wezikhali zakhe: Khokha umhedla wakho, ungibulale ngawo, funa laba abangasokanga bafike bangigwaze, badlale ngami. Kodwa umphathi wezikhali zakhe kavumanga, ngoba wesaba kakhulu. Ngakho uSawuli wasethatha owakhe umhedla, waziwisela phezu kwawo.
5Lapho umphathi wezikhali zakhe ebona ukuba uSawuli usefile, laye waziwisela phezu komhedla wakhe, wafa kanye laye.
6Wafake uSawuli, lamadodana akhe amathathu, lomphathi wezikhali zakhe, labo bonke abantu bakhe ngasuku lunye.
7Kwathi lapho abantu bakoIsrayeli ababengaphetsheya kwesigodi lababengaphetsheya kweJordani bebona ukuthi abakoIsrayeli babalekile, lokuthi uSawuli lamadodana akhe sebefile, batshiya imizi yabo, babaleka; amaFilistiya afika, ahlala kiyo.
8Kwathi kusisa lapho amaFilistiya efika ukuphanga ababuleweyo, bafica uSawuli lamadodana akhe befile entabeni iGilibowa.
9Amquma ikhanda, athatha izikhali zakhe, athumela ilizwi elizweni lonke lamaFilistiya ukumemezela lindaba ezithombeni zabo lebantwini.
10Abeka izikhali zakhe ethempelini likaAshitorethi unkulunkulukazi. Abethela isidumbu sakhe emdulini waseBeti‐Shani.
11Kodwa sebekuzwile abaseJabeshi‐Gileyadi lokho amaFilistiya akwenze kuSawuli,
12kwasuka wonke amaqhawe, ahamba ubusuku bonke, asethula isidumbu sikaSawuli lezidumbu zamadodana akhe emdulini waseBeti‐Shani, aziletha eJabeshi, azitshisa khona.
13Athatha amathambo abo, awambela ngaphansi kwesihlahla setamarisiki eJabeshi, azila ukudla insuku eziyisikhombisa.
Who We AreWhat We EelieveWhat We Do
2025 by iamachristian.org,Inc All rights reserved.
