Hubo 146 - Ndebele Bible (iBhayibhili Elingcwele) 1978

Ukudumisa iNkosi engumsizi

1Dumisani iNkosi!

Dumisa iNkosi, mphefumulo wami.

2Ngizakuyidumisa iNkosi ngisaphila;

ngizakuhlabelela uNkulunkulu wami ngisesekhona.

3Lingathembi izikhulu,

lomuntu okungekho kuye usizo.

4Lapho esesifa,

iyabuyela emhlabathini;

langalolosuku amacebo akhe ayaphela.

5Ubusisiwe yena omsizi wakhe unguNkulunkulu kaJakobe,

othemba lakhe liseNkosini uNkulunkulu wakhe,

6yena owenza izulu lomhlaba,

lolwandle lakho konke okukukho,

yena othembekileyo kuze kube nininini,

7owenzela abacindezelweyo ukwahlulelwa,

obaphayo ukudla abalambileyo,

INkosi iyakhulula izibotshwa;

8iNkosi iyavula amehlo eziphofu;

iNkosi iyabalulamisa bona abawileyo;

iNkosi iyabathanda abalungileyo.

9INkosi iyazigcina izihambi,

isekele umfelwakazi lezintandane;

kodwa indlela yababi iyayichitha.

10INkosi izakubusa kuze kube nininini,

uNkulunkulu wakho, Ziyone,

kuze kube sezizukulwaneni zonke.

Dumisani iNkosi!