1Lizakugcina kuhle yonke imithetho engililaya ngayo lamuhla, liyenze ukuze liphile, lande, lingene elizweni lilithumbe, iNkosi uNkulunkulu wenu eyafunga ukulinika okhokho benu.
2Likhumbule yonke indlela iNkosi uNkulunkulu wenu elihole ngayo kuliminyaka engamatshumi amane enkangala, ukuba ilithobise, ilihlole, ibone imicabango yenhliziyo zenu ukuba ibone ukuthi lizakuyigcina imithetho yayo yini, loba ayi.
3Ngakho yalithobisa, yalilambisa, yalinika imana elalingayazi labokhokho benu babengalazi, ukuba ilifundise ukuthi umuntu kaphili ngesinkwa sodwa, kodwa uphila ngawo wonke amazwi aphuma emlonyeni weNkosi.Mat 4:4; Luka 4:4
4Kuleyominyaka engamatshumi amane izambatho zenu kaziguganga, lenyawo zenu kazivuvukanga.
5Yazini enhliziyweni zenu ukuthi njengalokhu umuntu elaya indodana yakhe, ngokunjalo iNkosi uNkulunkulu wenu iyalilaya lani.
6Ngakhoke lizagcina imithetho yeNkosi uNkulunkulu wenu, lihambe ngendlela zayo, liyesabe.
7Ngoba iNkosi uNkulunkulu wenu isizakulingenisa elizweni elihle, ilizwe elilemifula yamanzi, lemithombo yamanzi agobhoza ezihotsheni lezintabeni;
8ilizwe elilamabele lebhali, lezivini, lemikhiwa, lezithelo zepomegranati, lezihlahla zamaoliva, lenyosi,
9ilizwe lapho elizakudla khona isinkwa esingayikuphela; lalapho lingayikuswela lutho; ilizwe elilamatshe alensimbi, lelilezintaba elingemba kuzo ithusi.
10Lizakudla lisuthe, libonge iNkosi uNkulunkulu wenu ngelizwe elihle elinike lona.
Isixwayiso ngokukhohlwa iNkosi11Qaphelani ukuba lingakhohlwa iNkosi uNkulunkulu wenu ngokungagcini imithetho yayo lezimiso zayo lezahlulelo zayo, engililaya zona lamuhla.Hos 13:5, 6
12Futhi lapho selidlile lasutha, lalapho selakhile izindlu ezinhle lahlala kuzo,
13sekwandile izinkomo zenu lezimvu zenu lesiliva senu legolide lenu lakho konke elilakho,
14qaphelani ukuba inhliziyo zenu zingazikhukhumezi, beselikhohlwa iNkosi uNkulunkulu wenu eyalikhupha elizweni laseGibithe, endaweni yobugqili,
15yalihola enkangala enkulu leyesabekayo, eyayigcwele izinyoka ezilobuhlungu lezinkume, elomhlabathi owomileyo, lapho kwakungelamanzi khona. Yalivezela amanzi edwaleni eliqinileyo,
16yalinika imana enkangala okhokho benu ababengayazi, ukuba ilithobise, ilihlole, ilenzele okuhle ekucineni.
17Qaphelani, ukuba lingathi enhliziyweni yenu: Ngawami amandla langamandla esandla sami ngizizuzele limfuyo.
18Khumbulani iNkosi uNkulunkulu wenu, ngoba yiyo elinika amandla okuzuza imfuyo, ukuba iqinise isivumelwano sayo eyasifunga kubokhokho benu njengokwenza kwayo lamhla.
19Uba likhohlwa iNkosi uNkulunkulu wenu, lilandele abanye onkulunkulu, likhuleke kibo, libakhonze, ngiyalixwayisa lamhla ukuthi lizakubhubha impela.
20Lizachitheka njengezizwe iNkosi ezakuzichitha phambi kwenu, ngoba lingalilalelanga ilizwi leNkosi uNkulunkulu wenu.
Who We AreWhat We EelieveWhat We Do
2025 by iamachristian.org,Inc All rights reserved.
