Isam 2 - Ndebele Bible (iBhayibhili Elingcwele) 1978

Izincwadi ezalotshelwa kumabandla ayisikhombisa

1Kuso isithunywa sebandla eliseEfesu loba ukuthi: Nanku akutshoyo lowo ophethe inkanyezi eziyisikhombisa esandleni sakhe sokunene, ohamba phakathi kwezinti zezibane zegolide eziyisikhombisa;

2uthi: Ngiyayazi imisebenzi yakho, lemizamo yakho, lokubekezela kwakho, lokuthi kawulakubamela ababi, lokuthi ubahlolile labo abazitsho ukuthi bangabaphostoli, bona bengeyisibo, wabafumana beqamba amanga.

3Ulokubekezela; waqinisela ngenxa yebizo lami, kawudinwanga.

4Kodwa ngilalokhu ngawe ukuthi udelile uthando lwakho lwakuqala.

5Ngakhoke khumbula lapho uwe khona, uphenduke, wenze imisebenzi owayenza kuqala. Uba kungenjalo, ngizakuza kuwe, ngilususe uluthi lwesibane sakho endaweni yalo, uba ungaphenduki.

6Kanti ulalokhu ukuthi uyayizonda imisebenzi yamaNikolayitha engiyizondayo lami.

7Lowo olendlebe kezwe lokho akutshoyo uMoya emabandleni. Onqobayo ngizakumnika ukuba adle okwesihlahla sokuphila esiseParadise kaNkulunkulu.

8Lakuso isithunywa sebandla eliseSemerna loba uthi: Nanku akutshoyo owokuqala lowokucina, owake wafa, kodwa osephila, uthi:

12Lakuso isithunywa sebandla elisePergamo loba uthi: Nanku akutshoyo lowo olomhedla obukhali inxa zombili,

13uthi: Ngiyazi lapho wakhe khona, lapho kukhona isihlalo sobukhosi sikaSathane; kanti ubambelele ebizweni lami, kawuphikanga ukukholwa kwakho lasensukwini zikaAntipasi, ufakazi wami othembekileyo, owabulawelwa phakathi kwenu lapho uSathane ahlala khona.

14Kodwa kukhona okuyingcosana engilakho ngawe; ulabo lapho ababambelela ekufundiseni kukaBalami, owafundisa uBalaki ukubeka isikhubekiso phambi kwabakoIsrayeli sokuba badle okuhlatshelwe izithombe lokuba baphinge.

18Lakuso isithunywa sebandla eliseTiyathira loba uthi: Nanku ekutshoyo iNdodana kaNkulunkulu elamehlo anjengamalangabi omlilo, lezinyawo zayo ezifana lethusi elikhazimulayo,

19ithi: Ngiyayazi imisebenzi yakho, lothando, lokukholwa, lokubekezela kwakho, lokuthi imisebenzi yakho yokucina minengi kuleyokuqala.

20Kodwa ngilalokhu ngawe ukuthi umvumele owesifazana uJezebeli, ozibiza ngokuthi ungumprofethikazi, ukufundisa aduhise inceku zami ukuba ziphinge, lokuba zidle ukudla okuhlatshelwe izithombe.1 Kho 16:31; 2 Kho 9:22, 30

21Ngamnika ithuba lokuba aphenduke, kodwa kavumi ukuphenduka ekuphingeni kwakhe.

22Ngakhoke ngizakumlethela umkhuhlane, labaphinga laye ngibangenise ekuhluphekeni okukhulu, uba bengaphenduki emisebenzini yakhe;

23ngizakubulala abantwana bakhe. Wonke amabandla azakwazi ukuthi nginguye ohlola ingqondo lenhliziyo, futhi ngizakumnika ilowo lalowo wenu ngokwemisebenzi yakhe.Hubo 7:9; Jer 17:10; Hubo 62:12

24Khathesi sengikhuluma lani eliseleyo eTiyathira, elingabambelelanga kulokhukufundisa, elingakwaziyo okuzikileyo kukaSathane; kangilethwesi omunye umthwalo;

25kubambisiseni lokho elilakho ngize ngifike.

26Onqobayo logcina imisebenzi yami kuze kube sekupheleni ngizakumnika amandla phezu kwezizwe,Hubo 2:8, 9

27njengalokhu lami ngamukelisiwe amandla avela kuBaba; uzakuzibusa ngentonga yensimbi, aziphahlaze njengezimbiza zebumba;

28futhi ngizakumnika indonsakusa.

29Olendlebe kezwe lokho akutshoyo uMoya emabandleni.