Mat 7 - Ndebele Bible (iBhayibhili Elingcwele) 1978

Ukwahlulela abanye(Luka 6:37, 38, 41, 42)

1Lingahluleli ukuba lingahlulelwa.

2Ngoba ngokwahlulela elahlulela ngakho lizakwahlulelwa ngakho lani, langesilinganiso elilinganisa ngaso lizakulinganiselwa ngaso lani.Lokho okuqinisekileyo lalokho okungaqinisekanga(Luka 6:43–46; 13:24–27)

13Ngenani ngesango elincinyane; ngoba isango likhulu lendlela ibanzi esayo ekubhujisweni; banengi abahamba ngayo.

14Kodwa isango lincinyane lendlela ilukhonjwana esayo ekuphileni; bayingcosana abayifumanayo.

15Xwayani abaprofethi bamanga abeza kini bembathise okwezimvu, kodwa ngaphakathi bazimpisi eziphangayo.

16Lizakubazi ngezithelo zabo. Abantu bayazikha yini izithelo zevini emeveni ingabe amakhiwa evikaneni na?

17Ngokunjalo ileso laleso isihlahla esihle siyathela isithelo esihle, kodwa isihlahla esibi siyathela isithelo esibi.

18Isihlahla esihle singethele isithelo esibi, lesihlahla esibi singethele isithelo esihle.

19Ileso laleso isihlahla esingatheli isithelo esihle siyaganyulwa siphoselwe emlilweni.Umfanekiso wezindlu ezimbili(Luka 6:47–49; Mark 1:22)

24Ngakho ilowo lalowo owezwayo lamazwi ami, awenze, ngizakumfanisa lendoda ehlakaniphileyo eyakha indlu yayo phezu kwedwala.

25Lana izulu, kwafika impophoma, kwavunguza imimoya, yayitshaya leyondlu; kodwa kayiwanga, ngoba yayisekelwe lidwala.

26Kodwa lowo owezwayo lamazwi ami, angawenzi, uzakufaniswa lendoda eyisithutha, eyakha indlu yayo phezu kwesihlabathi.

27Lana izulu, kwafika impophoma, kwavunguza imimoya, yayitshaya leyondlu, yawa, kwaba kukhulu ukuwa kwayo.

28Kwathi uJesu eseqedile lawomazwi, amaxuku amangala ngokufundisa kwakhe;Mark 1:22; Luka 4:32

29ngoba wabafundisa njengolamandla kungenjengababhali babo.