Seb 28 - Ndebele Bible (iBhayibhili Elingcwele) 1978

UPawuli labanye bamukelwa kuhle ngabaseMelitha

1Kwathi sesisilile, sezwa ukuthi isihlenge sithiwa yiMelitha.

2Abantu bakhona basiphatha ngomusa ongandanga, ngoba babasa umlilo, basamukela sonke, ngoba laseliqalisile ukuna izulu sekuqanda.

3UPawuli watheza ilixha lenkuni, walibeka emlilweni, kwaphuma inyoka ngenxa yokutshisa, yanamathela esandleni sakhe.

4Abantu bakhona bebona isilo silenga esandleni sakhe, bakhulumisana besithi: Impela lumuntu ungumbulali; ngoba lanxa ephephile olwandle, ukuLunga kakuvumi ukuba asile.

5Kodwa yena wasithintithela emlilweni isilo, akaze alimala.

6Balindela ukuthi uzakuvuvuka, lokuba awele phansi afe masinyane. Kodwa sebelinde isikhathi eside, bebona ukuthi kafikelwa lutho, baphendula imicabango yabo bathi ungunkulunkulu.

UPawuli usilisa isiguli

7Kwakukhona kuleyondawo amasimu esikhulu sesihlenge esithiwa nguPubliyo; yena wasamukela, wasiphatha kuhle insuku ezintathu.

8Uyise kaPubliyo wayelele egula ebulawa ngumkhuhlane lembo; uPawuli waya kuye, wamkhulekela, wabeka izandla zakhe phezu kwakhe, wamsilisa.

9Kwathi lokho sekwenzakele, beza labanye abakulesisihlenge ababelezifo, basiliswa labo.

10Basinika iziphiwo ezinengi; mhla sisukayo ngomkolo, basinika esikufunayo.

UPawuli ufika eRoma

11Ngemva kwenyanga ezintathu sasuka ngomkolo waseAleksandriya owawukhululele ubusika esihlengeni, uphawu lwawo lwaluthiwa Maphahla.

12Sangena eSirakhuse, sahlala khona insuku ezintathu;

13sasuka lapho, sahamba ngokubhoda, sayafika eRegiyuma. Sekudlule usuku, kwafika umoya waseningizimu, safika ePuthiyoli ngosuku lwesibili.

14Safumana khona abazalwane, sacelwa ukuhlala labo insuku eziyisikhombisa; safikake eRoma.

15Abazalwane sebezwile ngathi basuka khona, beza ukusihlangabeza baze bafika eApiyi Foruma laseTresi Taberne; uPawuli ebabona wabonga uNkulunkulu wema isibindi.

16Esefikile eRoma, uPawuli wavunyelwa ukuhlala yedwa kanye lowebutho omlindayo.

17Kwathi ngemva kwensuku ezintathu wabiza abakhulu babaJuda; sebebuthene wathi kubo: Bazalwane, loba mina ngingenzanga lutho oluphambene lesizwe lamasiko abokhokho, nganikelwa ezandleni zamaRoma eJerusalema;

18wona esengihlolile afuna ukungikhulula, ngoba kungekho cala kimi lokuba ngife;

19kodwa abaJuda bala, ngacindezeleka ukulidlulisela kuKesari, kungesikho ukuthi ngiyasimangalela isizwe sakithi.

27ngoba inhliziyo yalesisizwe seyaba lukhuni,

bezwa ngokulukhuni ngendlebe,

lamehlo abo bawacimezile,

funa babone ngamehlo abo,

bezwe ngendlebe zabo,

baqedisise ngenhliziyo zabo,

baphenduke, ngibasilise.

28Yazini lokhu ukuthi lokhukusilisa kukaNkulunkulu kuyathunyelwa kwabezizwe; bonake bazakulalela..

30UPawuli wahlala iminyaka emibili egcweleyo endlini yakhe ayeyiqatshile; wamukela bonke abeza kuye,

31watshumayela umbuso kaNkulunkulu, wafundisa ngeNkosi uJesu Kristu obala, engavinjelwa muntu.