1 Lan 24 - Ndebele Bible (iBhayibhili Elingcwele) 1978

1Nanzi izigaba zamadodana kaAroni. Amadodana kaAroni ayengoNadabi loAbihu loEleyazare loIthamari.

2Kodwa oNadabi loAbihu bafa uyise engakafi bengelabantwana; ngakho oEleyazare loIthamari baba ngabapristi.Levi 10:1–2

3UDavida esizwa nguZadoki omunye wamadodana kaEleyazare, loAhimeleki omunye wamadodana kaIthamari, wabamisa ngezigaba zokwenza umsebenzi wabo.

4Amadoda ayezinhloko ayemanengi emadodaneni kaEleyazare ukwedlula emadodaneni kaIthamari; ngakho amadodana kaEleyazare ahlukaniswa izigaba ezilitshumi lesithupha, lamadodana kaIthamari ahlukaniswa izigaba ezificaminwembili.

5Izigaba zamiswa ngenkatho, ngoba kwakulezinduna zendlu engcwele lezinduna zikaNkulunkulu emadodaneni kaEleyazare lakaIthamari.

6UShemaya indodana kaNethaneli, umLevi owayengumbhali, wabaloba ogwalweni phambi kwenkosi uDavida laphambi kwezikhulu laphambi kukaZadoki umpristi laphambi kukaAhimeleki indodana kaAbiyatha, laphambi kwezinhloko zezindlu zabapristi lezamaLevi; kwenziwa inkatho ngendlu nganye nganye yamadodana kaEleyazare langendlu nganye nganye yamadodana kaIthamari ngokunikezelana.

7Inkatho yokuqala yadla uJehoyaribi, eyesibili yadla uJedaya,

8eyesithathu yadla uHarimi, eyesine yadla uSeworimi,

9eyesihlanu yadla uMalikiya, eyesithupha yadla uMijamini,

10eyesikhombisa yadla uHakhozi, eyesificaminwembili yadla uAbija,

11eyesificamunwemunye yadla uJeshuwa, eyetshumi yadla uShekaniya,

12eyetshumi lanye yadla uEliyashibi, eyetshumi lambili yadla uJakimi,

13eyetshumi lantathu yadla uHupha, eyetshumi lane yadla uJeshebeyabi,

14eyetshumi lanhlanu yadla uBiliga, eyetshumi lesithupha yadla uImeri,

15eyetshumi lesikhombisa yadla uHeziri, eyetshumi lesificaminwembili yadla uHaphizezi,

16eyetshumi lesificamunwemunye yadla uPhethahiya, eyamatshumi amabili yadla uJehezikeli

17eyamatshumi amabili lanye yadla uJakini, eyamatshumi amabili lambili yadla uGamuli,

18eyamatshumi amabili lantathu yadla uDelaya, leyamatshumi amabili lane yadla uMahaziya.

19Yizo lezo izigaba zokwenza umsebenzi wabo ukuba bangene ethempelini ngokomthetho ababewunikwe nguAroni ukhokho wabo, njengokulaywa kwakhe yiNkosi uNkulunkulu kaIsrayeli.

20Abaseleyo emadodaneni kaLevi babeyilaba; emadodaneni kaAmramu kwakunguShubayeli; emadodaneni kaShubayeli kunguJehideya;

21emadodaneni kaRehabiya kunguIshiya owayengomkhulu;

22kwabakoIzihari kunguShelomothi; emadodaneni kaShelomothi kunguJahathi;

23emadodaneni kaHebroni kunguJeriya owayengomkhulu, elandelwa nguAmariya, kulandela uJahaziyeli, kulandela uJekameyamu;

24emadodaneni kaUziyeli kunguMika; emadodaneni kaMika kunguShamiri;

25lomfowabo kaMika uIshiya; emadodaneni kaIshiya kunguZekariya;

26emadodaneni kaMerari kunguMahli loMushi, kanye lendodana yakhe uJahaziya;

27koMerari, emadodaneni kaJahaziya kunguShohama loZakuri loIbiri;

28emadodaneni kaMahli kunguEleyazare owayengelamadodana;

29koKishi, emadodaneni kaKishi kunguJerameli;

30emadodaneni kaMushi kunguMahli loEderi loJerimothi. Lawo ngamadodana kaLevi ngezindlu zawo.

31Laba labo kanye lezihlobo zabo, amadodana kaAroni, baphosa inkatho phambi kwenkosi uDavida loZadoki loAhimeleki lenhloko zezindlu zabapristi lezamaLevi, indlu enkulu lencinyane kanyekanye.