Efe 1 - Ndebele Bible (iBhayibhili Elingcwele) 1978

Isibingelelo

1Mina Pawuli, umphostoli kaKristu Jesu ngentando kaNkulunkulu, ngithi kubo abangcwele abaseEfesu, abathembekileyo kuKristu Jesu:Seb 18:19–21; 19:1

2Kakube kini umusa lokuthula okuvela kuNkulunkulu uBaba laseNkosini uJesu Kristu.

UPawuli udumisa uNkulunkulu ngenxa yokusiliswa okungoKristu

3Kabongwe uNkulunkulu, uYise weNkosi yethu uJesu Kristu osibusisileyo kuKristu ngesibusiso sonke sokomoya ezulwini.

4Wasikhetha ngoKristu ngaphambi kokudatshulwa komhlaba ukuba sibe ngcwele, singasoleki phambi kwakhe.

5Wasimisela ngothando ukuba sibe ngabantwana bakhe ngoJesu Kristu, ngokwecebo lentando yakhe,

6ukuze adunyiswe ngomusa wakhe omangalisayo asiphe wona ngesihle ngaye oThandiweyo.

7Ngaye silokuhlengwa ngegazi lakhe, lokuthethelelwa kweziphambeko zethu ngokwenotho yomusa wakheKol 1:14

8awandise kithi kukho konke ukuhlakanipha lokuqonda.

9Usazisile imfihlakalo yentando yakhe ngokwecebo lakhe alimisa ngaphambili kuKristu,

10ukuze aphumelelise nxa isikhathi sesiphelele ukuhlanganisela ndawonye izinto zonke ezisezulwini lezisemhlabeni kuKristu.

11KuKristu thina sabelwa ilifa, esamiselwa lona ngaphambili ngokwecebo lakhe osebenzayo ezintweni zonke ngokwentando yakhe,

12ukuba thina, esakholwa kuKristu kuqala, siphilele udumo lobukhosi bakhe.

13Lani, eselizwile ilizwi leqiniso elilivangeli lokusiliswa kwenu lakholwa kuye, libekwe uphawu loMoya oNgcwele othenjisiweyo

14oyisibambiso selifa lethu, size samukeliswe lona, lapho uNkulunkulu esehlengile abantu bakhe, kube ludumo lwakhe lobukhosi bakhe.

UPawuli ucelela ibandla ukuba lazi izibusiso ezivela ngoKristu

15Ngenxa yalokho lami, esengizwile ngokukholwa kwenu eNkosini uJesu lothando lwenu kubo bonke abangcwele,

16kangiyekeli ukulibongela, ngilikhumbula emikhulekweni yami,

17ukuze uNkulunkulu weNkosi yethu uJesu Kristu, uYise olobukhosi, alinike umoya wokuhlakanipha lokwambulwa ekumazini yena.

18Kungathi kungavulwa amehlo enhliziyo zenu, ukuze lazi ithemba elibizelwa kulo, lenotho enkulu yelifa alinika lona kubo abangcwele,

19lobukhulu obumangalisayo bamandla akhe kithi esikholwayo. Lokhu kuyikusebenza kwamandla akhe amakhulu

20awasebenzisa kuKristu ngokumvusa kwabafileyo, lapho emhlalisa ngakwesokunene sakhe ezulwini,Hubo 110:1

21ngaphezu kwakho konke ukubusa, lobukhulu, lamandla, lobukhosi, laphezu kwamabizo wonke aphathwayo, kungesikho kulesisikhathi kuphela kodwa lesikhathini esizayo.

22Wabeka konke ngaphansi kwenyawo zakhe, wamenza waba yinhloko yakho konke kulo ibandla,Kol 1:18 Hubo 8:6

23elingumzimba wakhe, eligcwaliswa nguye ogcwalisa konke jikelele.