Hlu 1 - Ndebele Bible (iBhayibhili Elingcwele) 1978

Ukulwa kwabakoIsrayeli lamaKanani

1Emva kokufa kukaJoshuwa abakoIsrayeli babuza eNkosini bathi: Yisiphi isizwe esizakuhlasela amaKanani kuqala na?

2INkosi yathi: UJuda uzahamba kuqala; khangelani, ngilinikele ilizwe esandleni sakhe.

3UJuda wathi kuSimeyoni umfowabo: Asihambe sonke siye elizweni engilinikiweyo ukuba sihlasele amaKanani; lami ngizahamba lawe elizweni olinikiweyo. USimeyoni wasehamba laye.

4UJuda wasephuma ukuyahlasela, iNkosi yanikela amaKanani lamaPerizi ezandleni zabo; babulala abayizinkulungwane ezilitshumi eBezeki.

5EBezeki bamfica uAdoni‐Bezeki, balwa laye, bawanqoba amaKanani lamaPerizi.

6UAdoni‐Bezeki wabaleka, baxotshana laye, bambamba, baquma izithupha zakhe lamazwane akhe amakhulu.

7UAdoni‐Bezeki wathi: Amakhosi angamatshumi ayisikhombisa equnywe izithupha zawo lamazwane awo amakhulu ayedobha imvuthuluka ngaphansi kwetafula yami. Lokho engakwenza kuwo, uNkulunkulu usekwenze kimi. Basebemusa eJerusalema, lapho afela khona.

8AbakoJuda bahlasela iJerusalema, balithatha, balichitha ngomkhonto, balitshisa lonke ngomlilo.

9Emva kwalokho abakoJuda bayahlasela amaKanani ayehlala ezintabeni laseNegebi laseShefela.

10Basebehlasela amaKanani ayehlala eHebroni; iHebroni kuqala kwakuthiwa yiKiriyathi‐Arba; banqoba uSheshayi loAhimani loTalimayi.

11Basuka lapho, bahlasela abaseDebiri. IDebiri kuqala kwakuthiwa yiKiriyathi‐Seferi.

22AbakoJosefa bahlasela iBetheli, iNkosi yayilabo.

23Bathuma inhloli ukuhlola iBetheli; ibizo lalowomuzi kuqala lalithiwa yiLuzi.

24Lezinhloli zabona umuntu ephuma emzini, zathi kuye: Akusitshengise ukuba singangena njani emzini, sizakukuphatha ngomusa.

25Wasebatshengisa; bawuchitha umuzi ngomkhonto, kodwa bamyekela lowomuntu ukuba ahambe layo yonke indlu yakhe.

26Lowomuntu waya elizweni lamaHethi, wakha khona umuzi, wawubiza ngokuthi yiLuzi; kuselibizo lawo kuze kube lamhla.

27UManase kabaxotshanga abaseBeti‐Sheyani lasemizaneni yalo, labaseTanaki lasemizaneni yalo, labaseDori lasemizaneni yalo, labaseIbileyamu lasemizaneni yalo, labaseMegido lasemizaneni yalo; kodwa amaKanani aphikelela ukuhlala kulelolizwe.

30UZebuluni kabaxotshanga abaseKitroni labaseNahaloli, kodwa amaKanani ahlala phakathi kwabo, bawasebenzisa nzima.

31UAsheri kabaxotshanga abaseAko labaseSidoni labaseAhilabi labaseAkizibi labaseHeliba labaseAfiki labaseRehobi;

32kodwa abakoAsheri bahlala phakathi kwamaKanani ayakhile elizweni, ngoba kabawaxotshanga.

33UNafitali kabaxotshanga abaseBeti‐Shemeshi labaseBeti‐Anathi, kodwa bahlala phakathi kwamaKanani ayakhile elizweni; abaseBeti‐Shemeshi labaseBeti‐Anathi bawasebenzisa nzima.

34AmaAmori abafuqela ezintabeni abakoDani, ngoba kawabavumelanga ukwehlela emagcekeni,

35amaAmori aphikelela ukuhlala entabeni yaseHeresi eAjaloni leShalibimi, kodwa abakoJosefa bawaphatha nzima, bawasebenzisa nzima.

36Umngcele wamaEdoma wawusukela emqansweni waseAkirabami, laseSela usiya phezulu.