1Ilizwi leNkosi lafika kuJeremiya emnyakeni wetshumi wokubusa kukaZedekiya, inkosi yakoJuda, ongumnyaka wetshumi lesificaminwembili kaNebukadineza.
36Ngakhoke iNkosi, uNkulunkulu kaIsrayeli, ithi mayelana lomuzi lo othi ngawo: Unikelwe esandleni senkosi yaseBabiloni ngempi langendlala langomkhuhlane:
37Khangela, ngizabaqoqa emazweni wonke lapho ngibaxotshele khona ekuthukutheleni kwami langokufutheka kwami langolaka olukhulu; ngizababuyisa kulindawo, ngibenze ukuba bahlale bevikelekile.
38Bazakuba ngabantu bami, lami ngibe nguNkulunkulu wabo.
39Ngizabanika inhliziyonye lendlelanye, ukuba bangesabe zonke insuku, kube kuhle kubo lakubantwana babo emva kwabo.
40Ngizakwenza labo isivumelwano esingelakuphela, ukuze ngingayekeli ukubenzela okuhle, ngifake ukungesaba enhliziyweni zabo ukuze bangangitshiyi.
41Ngizathokoza ngokubenzela okuhle, ngibagxumeke ngobuqotho kulelilizwe ngayo yonke inhliziyo yami langawo wonke umoya wami.
42Ngoba iNkosi ithi: Njengoba ngehlisele phezu kwalababantu bonke lobububi, ngokunjalo ngizabehlisela konke okuhle engikukhulumileyo.
43Amasimu azathengwa kulelilizwe elilibiza ngokuthi: Liyinkangala engelamuntu lenyamazana, futhi linikelwe ezandleni zamaKaladiya.
44Amasimu azathengwa ngemali, kulungiswe incwadi zokuthenga, kulotshwe kuzo amabizo abofakazi, zinamatheliswe, elizweni lakoBenjamini lasemaphandleni aseJerusalema, lasemizini yakoJuda, lasemizini yasemaqaqeni, lasemizini yaseShefela, lasemizini yaseNegebi; ngoba ngizabuyisa abantu bakhona, kutsho iNkosi.
Who We AreWhat We EelieveWhat We Do
2025 by iamachristian.org,Inc All rights reserved.
