1 Kor 10 - Ndebele Bible (iBhayibhili Elingcwele) 1978

Lingalwi loNkulunkulu njengabakoIsrayeli

1Ngithanda ukuba liqedisise, bazalwane, ukuthi okhokho babengaphansi kweyezi, bonke badabula ulwandle;

8Asingenzi ukuphinga njengabanye babo abenza ukuphinga, bafa ngasuku lunye baba zinkulungwane ezingamatshumi amabili lantathu.Nani 25:1–18

9Asingayilingi iNkosi njengabanye babo bayilinga, babhujiswa zinyoka.Nani 21:5, 6

10Lingasoli njengabanye babo basola, babhujiswa ngumbulali.Nani 16:41–49

11Lezizinto zabehlela bona kube yisixwayiso kwabanye; zalotshelwa ukusilaya thina osekufike kithi ukucina kwesikhathi.

12Ngakhoke lowo osuka athi umi, kaqaphele ukuba angawi.

13Kalifikelwanga yikulingwa okungejwayelekanga ebantwini. UNkulunkulu uthembekile, kayikuvuma ukuba lilingwe ngokungaphezu kwamandla enu; kodwa nxa ukulingwa kufika, uzakulinika indlela yokuphepha, ukuze libe lamandla okukuthwala.

Lingakhonzi izithombe

14Ngakhoke, bathandiweyo bami, balekelani ukukhonza izithombe.

15Ngikhuluma njengakwabahlakaniphileyo; qedisisani engikutshoyo.

16Inkezo yesibusiso esiyibusisayo kasiyo eyokuhlanganyela egazini likaKristu na? Isinkwa esisihlephunayo kasiso esokuhlanganyela emzimbeni kaKristu na?Mat 26:26–28; Mark 14:22–24; Luka 22:19, 20

17Njengoba isinkwa sisinye, thina esibanengi singumzimba munye, ngoba thina sonke sihlanganyela lesosinkwa sinye.

18Khangelani isizwe sakoIsrayeli. Abadlayo imihlatshelo kabasibo abahlanganyela lealtare na?Levi 7:6

19Ngitshoni pho? Ngitsho ukuthi okuhlatshelwe izithombe kuyilutho na? lokuthi isithombe siyilutho na?

20Atshi, ngitsho ukuthi lokho okuhlatshwa ngabezizwe bakuhlabela omoya ababi, kabakuhlabeli uNkulunkulu. Kangithandi ukuba libe lenhlanganyelo lomoya ababi.Dute 32:17

21Lingenathe inkezo yeNkosi lenkezo yomoya ababi; lingehlanganyele isithebe seNkosi lesithebe somoya ababi.

22Sizakuyivusa ulaka iNkosi na? Kambe silamandla kulayo na?Dute 32:21

23Izinto zonke zivumelekile, kodwa izinto zonke kazisizi; izinto zonke zivumelekile, kodwa izinto zonke kazakhi.1 Kor 6:12

24Kakungabi khona ozifunela okwakhe, kodwa kakube yilowo lalowo afune ukwenzela omunye okuhle.

25Konke elikuthenga esilaheni kudleni, lingabuzi lutho ngenxa yesazela,

26ngoba umhlaba ungoweNkosi, lakho konke okukuwo.Hubo 24:1

27Uba omunye kwabangakholwayo elimemela ekudleni, lithanda ukuya, kudleni konke okubekwa phambi kwenu, lingabuzi lutho ngenxa yesazela.

28Kodwa uba umuntu esithi kini: Lokhu kuhlatshelwe izithombe; lingakudli ngenxa yalowo okutshiloyo langenxa yesazela;

29kangitsho esakho isazela, ngitsho esalowo omunye. Kodwa lizakuthi: Kungani ukuba inkululeko yami isolwe yisazela somunye na?

30Uba ngisidla ngokubonga, ngisolelwani ngalokho engikubongayo na?

31Ngitsho ukuthi loba lisidla, loba linatha, loba lisenzani, konke kwenzeleni udumo lukaNkulunkulu.

32Lingakhubekisi abaJuda, lamaGriki, lebandla likaNkulunkulu.

33Minake ngizama ukuthokozisa bonke ngakho konke engikwenzayo, ngingafuni okokuzisiza mina, kodwa ngifuna okokusiza abanengi ukuze basiliswe.