1UJothamu wayeleminyaka engamatshumi amabili lanhlanu lapho eqalisa ukubusa; wabusa iminyaka elitshumi lesithupha eJerusalema. Ibizo likanina lalinguJerusha indodakazi kaZadoki.2 Kho 15:32–38
2Wenza okulungileyo phambi kweNkosi njengokwenza konke kukayise uUziya, kodwa yena kangenanga ethempelini leNkosi; abantu babelokhu besenza imikhuba emibi.
3Wakha isango lethempeli elingaphezulu, wenza umsebenzi omkhulu wokwakha emdulini waseOfeli.
4Futhi wakha lemizi entabeni zakoJuda, lezinqaba, lemiphotshongo emasandleni amaqaqa.
5Walwa lenkosi yamaAmoni, wayinqoba; wona amnika ngalowomnyaka amathalenta esiliva alikhulu, lamasaka amabele azinkulungwane ezilitshumi lesikhombisa kanye lawebhali azinkulungwane ezilitshumi lesikhombisa. Amnika okufananayo ngomnyaka wesibili langowesithathu.
6Ngakho uJothamu waba lamandla, ngoba waziphatha kuhle phambi kweNkosi uNkulunkulu wakhe.
7Ezinye indaba zikaJothamu, lazo zonke izimpi zakhe, lokwenza kwakhe, kulotshiwe ogwalweni lwamakhosi akoIsrayeli lawakoJuda.
8Wayeleminyaka engamatshumi amabili lanhlanu lapho eqalisa ukubusa; wabusa iminyaka elitshumi lesithupha eJerusalema.
9Waya kwabaphansi, bamngcwabela emzini kaDavida; uAhazi indodana yakhe waba yinkosi esikhundleni sakhe.
Who We AreWhat We EelieveWhat We Do
2025 by iamachristian.org,Inc All rights reserved.
