Hubo 54 - Ndebele Bible (iBhayibhili Elingcwele) 1978

Umkhuleko wokucela ukusizwa ezitheni

1Nkulunkulu, ngisiza ngebizo lakho,

ungahlulele ngamandla akho.

2Nkulunkulu, zwana umkhuleko wami,

ulalele amazwi omlomo wami.

3Ngoba abafo bangivukele,

abantu abalolunya bafuna ukungibulala,

kabamnanzi uNkulunkulu.

4Khangela, uNkulunkulu ungumsizi wami;

iNkosi iyasekela ukuphila kwami.

5Izakuphindisela izitha zami ngobubi.

Uzibhubhise ngobuqotho bakho, Nkosi.

6Ngizakunikela kuwe ngokuthokoza;

ngizakulibonga ibizo lakho, Nkosi,

ngoba lokhu kuhle.

7Ngoba ungikhulule ekuhluphekeni konke,

ngibonile ukwahlulwa kwezitha zami.