Roma 10 - Ndebele Bible (iBhayibhili Elingcwele) 1978

1Bazalwane, ukufisa kwenhliziyo yami lokukhuleka kwami kuNkulunkulu ngabakithi kuyikuba basiliswe.

2Ngiyabafakazela ukuthi batshisekela uNkulunkulu, kodwa ukutshiseka kwabo kakulakwazi.

3Ngoba kabakwazi ukulunga okuvela kuNkulunkulu, kodwa bafuna ukumisa okwabo; kabazehliseli ngaphansi kokulunga kukaNkulunkulu.

4Ngoba uKristu uyawuqeda umlayo, alethele bonke abakholwayo ukulunga.

Ukulunga kukaNkulunlulu kungokwabo bonke abantu

5UMose uloba ukuthi lowo owenza ukulunga okungomlayo uzakuphila ngakho.

14Kodwa bazakukhuleka kuyo kanjani abangakholwanga kuyo na? Futhi, bazakukholwa kuyo kanjani abangezwanga ngayo na? Futhi, bazakuzwa kanjani bengelamtshumayeli na?

15Bazakutshumayela kanjani uba bengathunywa na? Njengokulotshiweyo ukuthi: Yeka ubuhle bezinyawo zabo abatshumayela izindaba ezinhle!

17Ngakhoke ukukholwa kuvela ngokuzwa, lokuzwa kuvela ngelizwi likaKristu.

18Kodwa ngithi: Kabezwanga na? Impela, bezwa. Ngoba kuthiwa:

Ilizwi labo liphumele emhlabeni wonke,

lamazwi abo aphumele emikhawulweni yomhlaba.

19Kodwa ngibuya ngithi: UIsrayeli kaqedisisanga na? Kuqala uMose uthi:

Mina ngizakulivusela umona ngabo abangesiso isizwe,

ngilithukuthelise ngesizwe esingelangqondo.

20LoIsaya laye uthi:

Ngafunyanwa yilabo abangangidinganga;

ngabonakala kibo abangabuzanga ngami.

21Kodwa ngoIsrayeli uthi: Usuku lonke ngelulela izandla zami kibo abantu abangalaleliyo labaphikayo.