Umtshumayeli 1 - Ndebele Bible (iBhayibhili Elingcwele) 1978

Umtshumayeli uthi konke kulize

1Nanka amazwi omtshumayeli indodana kaDavida, inkosi yaseJerusalema.

2Ize leze, kutsho umtshumayeli, ize leze, konke kulize.

3Kumbuyiselani umuntu konke ukusebenza kwakhe akusebenza ngaphansi kwelanga na?

4Isizukulwana siyadlula kufike esinye, kodwa umhlaba uma kuze kube nininini.

5Ilanga liyaphuma libuye litshone, liphangise ukubuyela endaweni lapho liphuma khona.

6Umoya uyaphephethela eningizimu, uphephethele enyakatho, ubhodabhode uze ubuye futhi.

7Yonke imifula ingenisa olwandle, kodwa ulwandle kalugcwali; endaweni lapho igelezele khona imifula ibuya iyegeleza futhi.

8Zonke izinto ziyadinisa; ukudinisa kwazo kungeze kwalandiswa. Ilihlo kalaneliswa yikubona, lendlebe yikuzwa.

9Okwake kwaba khona kuzabuya kube khona, lokwake kwenziwa kuzabuya kwenziwe; kakukho okutsha ngaphansi kwelanga.

10Mhlawumbe kungaba khona okungathiwa ngakho: Khangelani, lokhu kutsha! Atshi, lalokho kwakukhona endulo ngaphambi kwethu.

11Okudlulileyo kakusakhunjulwa, futhi lokuzayo kakuyikukhunjulwa ngabeza emva kwakho.

Konke okwakusenziwa ngumtshumayeli kwakulize

12Mina mtshumayeli ngangiyinkosi koIsrayeli eJerusalema;

13nganikela ingqondo yami ukudinga lokuhlolisisa ngokuhlakanipha konke okwenziwayo ngaphansi kwelanga; kungumsebenzi onzima uNkulunkulu awunike abantu ukuwusebenza.

14Ngikubonile konke okwenziwayo ngaphansi kwelanga; konke kulize lamaya.

15Okugobileyo kakulakwelulwa; lokungekho kakulakubalwa.

16Ngasengisithi: Ngizuzile ukuhlakanipha okukhulu ukwedlula bonke ababebusa iJerusalema ngaphambi kwami; sengejwayele ukuhlakanipha lokwazi.1 Kho 4:29–31

17Nganginikela ingqondo yami ukwazi ukuhlakanipha, lokwazi ukuhlanya lobuthutha, ngabona ukuthi lokhu lakho kungamaya.

18Ngoba ekuhlakanipheni okunengi kulokukhathazeka okunengi, lowandisa ulwazi wandisa usizi.