1UZedekiya wayeleminyaka engamatshumi amabili lanye ekuqaleni kwakhe ukubusa; wabusa iminyaka elitshumi lanye eJerusalema. Ibizo likanina lalinguHamutali, indodakazi kaJeremiya waseLibina.
12Ngosuku lwetshumi lwenyanga yesihlanu, ngomnyaka wetshumi lesificamunwemunye wokubusa kukaNebukadineza inkosi yaseBabiloni, uNebuzaradani induna yabalindi benkosi, owayengaphansi kwenkosi yaseBabiloni, wangena eJerusalema.
13Walitshisa ithempeli, lesigodlo senkosi, lezindlu zonke ezinkulu zaseJerusalema.1 Kho 9:8
14Kwathi yonke impi yamaKaladiya, eyayilenduna yabalindi, yabhidliza yonke imiduli ezingelezele iJerusalema.
15UNebuzaradani induna yabalindi wathumba bonke abantu ababesele emzini, lalabo ababehlamukele enkosini yaseBabiloni kanye lezingcitshi zemisebenzi.
16Kodwa uNebuzaradani induna yabalindi watshiya abanye abantukazana elizweni ukuba balime izivini lamasimu.
17Insika zethusi ezazisethempelini, lezinyawo, lolwandle lwethusi, amaKaladiya akuphahlaza, athatha lonke ithusi, alisa eBabiloni.1 Kho 7:15–47
18Athatha izimbiza, lamafotsholo, lezindlawu, lemiganu yokuchela, lezitsha zempepha, lazo zonke izitsha zethusi ezazisetshenziswa enkonzweni yethempeli,
19kanye lemiganywana, lezitsha zokuthwala umlilo, lemiganu yokuchela, lezimbiza, lezinti zezibane, lezinkezo zempepha, lemiganu yomnikelo wokuthululwa. Okwakwenziwe ngegolide induna yabalindi yakuthatha, lalokho okwakwenziwe ngesiliva yakuthatha.
20Insika zombili, lolwandle olwalulunye nje, lenkabi zethusi ezazilitshumi lambili ezazingaphansi kolwandle kanye lezinyawo inkosi uSolomoni ayekwenzele ithempeli, ithusi lazo zonke lezizinto lalingelakulinganiswa.
21Ubude bensika babuzingalo ezilitshumi lesificaminwembili, ububanzi bayo babuzingalo ezilitshumi lambili, lohlonzi lwayo lwaluyiminwe emine, futhi yayilomholo.
22Kwakukhona isiduku sethusi, ubude baso sisinye babuzingalo ezinhlanu, lesihlengo lamapomegranati, konke kwenziwe ngethusi, kwakuzingelezele isiduku phezulu. Lensika yesibili yayinjalo ilamapomegranati.
23Kwakubonakala amapomegranati angamatshumi ayisificamunwemunye lesithupha; wonke amapomegranati ayephezu kwesihlengo inxa zonke ayelikhulu.
24Induna yabalindi yathatha uSeraya umpristi omkhulu loZefaniya umpristi omlandelayo, labalindi besango abathathu,
25yathatha emzini induna eyayiphethe amadoda empi, lamadoda ayisikhombisa awenkundla yenkosi ayefunyaniswe emzini, lomabhalane wenduna eyayiphethe impi eyayibuthela abantu emabuthweni, lamadoda angamatshumi ayisithupha elizwe ayefunyaniswe phakathi komuzi.
26UNebuzaradani induna yabalindi wabathatha, wabasa enkosini yaseBabiloni eRibila.
27Inkosi yaseBabiloni yabatshaya, yababulalela eRibila elizweni laseHamathi. Wathunjwa ngokunjalo uJuda elizweni lakhe.
28Nanti inani labantu abathunjwa nguNebukadineza; ngomnyaka wesikhombisa, abaJuda abazinkulungwane ezintathu, lamatshumi amabili, lantathu;
29ngomnyaka wetshumi lesificaminwembili wokubusa kukaNebukadineza wathumba eJerusalema abantu abangamakhulu aficaminwembili, lamatshumi amathathu, lambili;
30ngomnyaka wamatshumi amabili lantathu wokubusa kukaNebukadineza, uNebuzaradani induna yabalindi wathumba abaJuda abangamakhulu ayisikhombisa, lamatshumi amane lanhlanu; bonke abantu sebehlangene baba zinkulungwane ezine, lamakhulu ayisithupha.
31Kwathi ngomnyaka wamatshumi amathathu lesikhombisa wokuthunjwa kukaJehoyakini inkosi yakoJuda, ngosuku lwamatshumi amabili lanhlanu lwenyanga yetshumi lambili, uEvili‐Merodaki inkosi yaseBabiloni, ngomnyaka abekwa ngawo abe yinkosi, waba lomusa kuJehoyakini, wamkhupha entolongweni,
32wakhuluma laye kuhle, wamnika isihlalo esedlula zonke izihlalo zamakhosi ayelaye eBabiloni.
33Ngakhoke uJehoyakini wakhumula izigqoko zokubotshwa; insuku zonke zokuphila kwakhe wadla lenkosi;
34wayelesabelo esimiyo esensuku zonke, asinikwa yinkosi njengokuswela kwakhe insuku zonke zokuhamba kwakhe, waze wafa.
Who We AreWhat We EelieveWhat We Do
2025 by iamachristian.org,Inc All rights reserved.
