1Omubi uyalalela ilizwi lesono enhliziyweni yakhe,
ukwesaba uNkulunkulu kakukho engqondweni yakhe.
2Ngoba uyazikhohlisa emehlweni akhe,
uthi isono sakhe kasizukufunyanwa sizondeke.
3Amazwi omlomo wakhe ayikona lenkohliso;
ukuyekele ukuhlakanipha lokwenza okuhle;
4ukhumbula okubi ekulaleni kwakhe,
azimise endleleni engalunganga, kakuzondi okubi.
5Nkosi, uthando lwakho olungapheliyo lufinyelela ezulwini,
lokuthembeka kwakho kuze kufike emayezini.
6Ukulunga kwakho kunjengezintaba zikaNkulunkulu,
ukwahlulela kwakho kunjengolwandle;
uyasiza abantu lezinyamazana, Nkosi.
7Uthando lwakho olungapheliyo, Nkulunkulu, luligugu elingaka.
Abantu baphephela emthunzini wamaphiko akho.
8Bazakusutha okumnandi kwendlu yakho,
ubanathise okomfula wokuthokoza kwakho.
9Ngoba ukuwe umthombo wokuphila;
ekukhanyeni kwakho siyakubona ukukhanya.
10Kaluqhubeke uthando lwakho olungapheliyo kulabo abakwaziyo,
lokukhulula kwakho kubo abaqotho enhliziyweni.
11Unyawo lwabazigqajayo kalunganginyatheli,
lesandla sababi singangixotshi.
12Nampo abenza okubi sebewiselwe phansi,
bawiselwe phansi, kabaselakuvuka.
Who We AreWhat We EelieveWhat We Do
2025 by iamachristian.org,Inc All rights reserved.