1Kwathi ngalezonsuku abafundi sebandile, kwavela ukusola phakathi kwabaJuda abakhuluma isiGriki lamaHeberu, ngoba abafelwakazi babo babencitshwa ekwabelweni kwensuku ngensuku.
2Abalitshumi lambili basebebiza ibandla labafundi, bathi: Kakulunganga ukuba thina sitshiye ukutshumayela ilizwi likaNkulunkulu, sisebenze ematafuleni.
3Ngakhoke, bazalwane, khethani phakathi kwenu amadoda ayisikhombisa alodumo oluhle, agcwele uMoya lokuhlakanipha, esizakuwamisela lumsebenzi.
4Kodwa thina sizakhuthala ekukhulekeni lenkonzweni yelizwi.
5Lelolizwi lathokozisa lonke ibandla; basebekhetha uStefane, indoda egcwele ukukholwa loMoya oNgcwele, loFiliphu, loProkoro, loNikanori, loTimoni, loParmena, loNikola, ikholwa labezizwe elivela eAntiyoki,
6babamisa phambi kwabaphostoli; bakhuleka, babeka izandla zabo phezu kwabo.
7Ilizwi likaNkulunkulu landa, lobunengi babafundi bakhula kakhulu eJerusalema, labapristi abanengi bakholwa.
UStefane umangalelwa emphakathini8UStefane egcwele umusa lamandla wenza izimangaliso lezibonakaliso ezinkulu phakathi kwabantu.
9Kwasekusuka abanye abesinagoge elithiwa elabaLibertine, labaseKurene labaseAleksandriya, lababela eKilikhiya, labaseAsiya, baphikisana loStefane;
10kodwa babengelamandla okumelana lokuhlakanipha loMoya ayekhuluma ngawo.
11Basebehlawula abantu abavuma ukuthi bathi: Simzwile ekhuluma amazwi ayinhlamba ngoMose langoNkulunkulu.
12Bavusa abantu labadala lababhali, bamfikela, bambamba, bamletha phambi komphakathi;
13bamisa ofakazi bamanga abathi: Lumuntu kayekeli ukukhuluma amazwi ngalindawo engcwele langomlayo;
14ngoba simzwile esithi uJesu lo waseNazaretha uzakudiliza lindawo, aphendule lemikhuba uMose asinika yona.
15Bonke ababehlezi emphakathini bamjolozela, babona ubuso bakhe kungathi ngobesithunywa.
Who We AreWhat We EelieveWhat We Do
2025 by iamachristian.org,Inc All rights reserved.
